АҚШда Хейли Илифф исмли қиз уйда йўқлигида хонадонига енотлар кириб олганини пайқаб қолди. Бу ҳақда у ўзининг Twitter’даги саҳифаси орқали маълум қилган, деб хабар беради «Korrespondent.net».
Илифф бошқа шаҳардан уйига қайтиб келган ва шифтда пайдо бўлган тешикни кўрган — енотлар шу орқали унинг ётоқхонасига бостириб кирган. Кейинроқ шифтдан яна тўртта йиртқич тушиб келган.
«Улар хонамда қирғин уюштирди. Қувиб юборгунимизга қадар ҳали нималар қилади?! Уларнинг ташрифи оқибатларини бартараф этиш қанчага тушишини тасаввур ҳам қила олмайман. Камида янги чойшаблар керак бўлиши аниқ — ҳайвонлар каравотимдан ҳожатхона сифатида фойдаланишга қарор қилибди», — дейди қиз.
humane society couldn’t help bc it was a mamma raccoon protecting her babies (probably living in our roof) so we’ve been waiting for someone to come since yesterday at 5pm pic.twitter.com/yQxDiJPHtf
— haley iliff (@haley_iliff) June 26, 2021
Илифф ҳамхонаси билан АҚШ Ҳайвонларни ҳимоя қилиш жамиятига мурожаат қилган, бироқ урғочи енот ўз болаларини агрессив ҳимоя қилгани учун уларга бир суткадан кейин ёрдам кўрсатилган.
Аввалроқ енот ўз уйида MMA жангларини ўтказиши, унинг асосий дўсти ва рақиби — доим реваншларга тайёр ўжар ит эканлиги тўғрисида хабар берилганди.
Изоҳ (0)