Moskva hayvonot bog‘ida saqlanayotgan jonzotlarga havo isib ketgani sabab muzli tortlar va oldindan g‘amlab qo‘yilgan qorlar berilmoqda. Bu haqda hayvonot bog‘ining Instagram’dagi sahifasiga tayanib, Esquire xabar berdi.
“Ayiqlarga (jumladan, pandalarga ham) sabzi va olmali muz taklif etilmoqda, maymunlarga — mevali tortlar, yirtqichlarga esa muzlatilgan go‘sht”, — deyiladi xabarda.
Hayvonlarning salqin yashashi uchun ularga qor berilmoqda. Hayvonlarni parvarishlovchi xodimlar issiq kunlar uchun qishda maxsus qor zaxirasini tayyorlab qo‘ygan va uni muzlatkichda saqlamoqda.
Ba’zi hayvonlar yuqori haroratga yaxshi moslashgan, masalan, tuya, ho‘kiz, qo‘y va bo‘rilar. Bosh hayvonlarga ega bog‘ xodimlari yordam ko‘rsatmoqda, xususan, qo‘y va alpakalar yungi kaltalangan.
https://www.instagram.com/p/CQisCWxKnVs/
Bundan tashqari, ayrim hayvonlarning volyerlarda cho‘milish uchun ko‘l, basseyn va kichik irmoq hamda sharsharalar tashkil etilgan. Pandalar, bo‘rilar, otlar va hayvonot bog‘ining yana boshqa hayvonlariga qo‘shimcha suv sepgichlar o‘rnatilgan.
Avvalroq AQSh hayvonot bog‘ida artrit bilan og‘riydigan keksa pingvinga ortopedik oyoq kiyim tikib berilgani, Tailandda 11 yoshli qizcha har hafta hayvonot bog‘ida konsert uyushtirayotgani to‘g‘risida xabar berilgandi.
Izoh (0)