Юлдузли жуфтлик — Жастин ва Хейли Бибер Париждаги Елисей саройига ташриф буюрди, уларни Франция президенти Эммануэль Макрон ва унинг рафиқаси Брижит шахсан кутиб олди, деб хабар бермоқда Hello нашри.
Президент матбуот хизмати хонанда ва унинг рафиқасининг Елисей саройига ташрифи мақсадига ойдинлик киритди. Маълум бўлишича, қўшиқчи шунчаки Эммануэль Макрон администрациясидан уларни қабул қилишларини сўраган ва Франция президенти кутилмаганда юлдузли жуфтликни асосий қароргоҳига таклиф қилган.
Бундан ташқари, матбуот хизмати томонидан тарқатилган фотосуратларга қараганда, Макрон Биберлар учун Елисей саройига экскурсия уюштирган. Учрашувда Жастин ва Хейли Бибер Эммануэль ва Брижит Макрон билан ёшлар билан боғлиқ масалаларни муҳокама қилишди, дейилади расмий манбаларда.
Жастин ва Хейли Бибер кўплаб интернет фойдаланувчиларининг фикрига кўра, юқори даражадаги учрашувга мос бўлмаган кийим кийган. Жастин костюм кийган бўлса-да, кўк кроссовкада кўриниш берган. Хейли LaQuan Smit брендининг бел қисми очиқ жигарранг трикотаж либосини кийиб олган.
Изоҳ (0)