«Иложи бўлса, памперс тақиб юр, йўлингдан чиқсам, иштонингни ҳўллаб қўясан». СанЖай ўзининг устидан кулган ҳамкасби Жасур Мавлоновга мурожаат қилди (видео)

Хонанда СанЖай «Chotki tv» YouTube-каналига берган интервьюсида ўзининг устидан кулган ҳамкасби Жасурбек Мавлоновга мурожаат қилди.

«Жонли эфирда бир инсон менинг устимдан кулиб чиқяпти, кейин мен тўғримда шеър чиқаряпти, ундан кейин жонли эфир қиляпти ва мавзуни давом эттиряпти. Мен бу учта видеони ҳам Instagram’даги саҳифамга жойлаб қўйдим. Халқ ўз баҳосини берсин. Унинг маъмурига 5-6 марта телефон қилдим. Маъмури уни дам оляпти деди. Телефон қилсин менга, дедим. Агар у эркак бўлганида, телефон қилиб, узр, Санжар ака, мен хато қилибман, деган бўларди, қачонлардир ёпилиб кетарди бу иш. Бу бола мендан узр сўрамай туриб, иккинчи ва учинчи зарбаларни беряпти. У эркак эмас, унга аёлларнинг кофта-юбкасини бериб, рўмол тақиб, кўчага чиқариб юбориш керак. Унинг исмини ҳам ўзгартириш керак. Қанақадир антиқа аёллар исмларидан қўйиш керак, масалан Лолита», — дейди СанЖай.

«Кел, мен билан учраш, эркак бўлсанг, кел, ‘духинг’ етса кел. Барибир мен сендан сўраб оламан, қочиб кета олмайсан мендан. Сенинг ўзи томинг жойидами? Том борми сенда? Иложи бўлса, ҳар куни памперс тақиб юр. Мен йўлингдан чиқсам, иштонингни ҳўллаб қўясан!», — дея сўзларини давом эттиради СанЖай.

Эслатиб ўтамиз, СанЖай жонли эфирда фолловерларига мурожаат қилиб, кўчаларни тоза сақлашга, бирдам бўлишга чорлаётган вақтда йиғлаб юборган эди. Хонанда Жасурбек Мавлонов эса ушбу ҳолатни мазах қилиб, СанЖайнинг устидан кулган.