Голливуд киноюлдузлари Жорж Клуни, Керри Вашингтон ва Дон Чидл ўсмирлар учун кинематографика мактаби очишларини эълон қилди. Бу борада улар Лос-Анжелес таълим органлари вакиллари билан ҳамкорликни йўлга қўяди, деб хабар беради «Korrespondent.net».
Мактабда кинематография асослари билан бирга, шунингдек, ёритиш ва визуал эффектлар ҳам ўргатилади. Ўқишни 2022 йилдан бошлаш режалаштирилган.
«Мақсадимиз — юртимизнинг қанчалик турфалигини кўрсатишдан иборат. Бу ёшларни иш жараёнида керак бўладиган барча йўналишлар, жумладан, фотоаппарат билан ишлаш, таҳрирлаш, визуал эффектлар, овоз ва карьеранинг ўсишидаги имкониятларни ўргатувчи катта синф ўқувчилари учун дастур яратилишини аглатади», — дейди Клуни.
Маълумотларга кўра, ушбу таълим маскани лотин америкаликларнинг Вестлейк туманидаги Эдвард Р.Ройбал ўқув марказида жойлашади. Талабалар академик дастурлар билан бир қаторда, стажировкада ҳам бўлади.
Юқорида исмлари келтирилган юлдузлардан ташқари директорлар кенгаши таркибидан Минди Калинг, Ева Лонгория ва тахмиман 7 миллион доллар керак бўладиган дастлабки бюджетнинг 20 фоизини қоплайдиган продюсерлар триоси ўрин олади.
Изоҳ (0)