Болливуд юлдузи — Алия Бҳатт ҳақида қизиқарли фактлар (фото)

Ҳинд киносаноатида ўз ўрнига эга бўлган Алия Бҳатт ҳақидаги маълумотларни эътиборингизга ҳавола этамиз.

Алия Бҳатт 1993 йил 15 март Мумбайда Маҳеш Бҳатт ва Сони Разданнинг оиласида дунёга келган. Ота-онасининг ҳар иккиси ҳам кино саноатининг машҳур вакилларидан бўлган. Отаси Болливуднинг энг машҳур продюсери, режиссёри ва сценарий муаллифи ҳисобланади. Онаси эса бир неча фильмларда суратга тушган. Болалигида тўладан келгани учун уни яқинлари Алу деб чақирган. Дебют фильми «Йил талабаси» учун Алиянинг 16 кило вазн ташлашига тўғри келган. Бош роль учун ўзини жуда ҳам ёш деб ҳисоблагани сабабли кастингдан ўтишига шубҳа билан қараган. У суратга олиш жараёнлари сабаб 12-синфни тугата олмаган.

Режиссёр Каран Жоҳар унга вазн ташлай олсагина, «Йил талабаси»да суратга тушиши мумкинлигини айтган. Унинг ижроси турли муҳокамаларга сабаб бўлган. Баъзи танқидчилар уни Карина Капурнинг дебюти билан солиштирган.

У илк бор экранда 1999 йилда суратга олинган «Жиноий роман» фильмида Прити Зинтанинг синглиси сифатида кўриниш берган. «Footpath» фильмини илк бор томоша қилганида унда суратга тушган Эмран Ҳашми унинг амакиваччаси эканини билмаган.

Отаси Алиянинг онасидан аввал Лорейн Брайт исмли аёл билан турмуш қурган. Биринчи турмушида Пужа ва Раҳул исмли ўғил дунёга келган. 1900 йилда суратга олинган «Aashiqui» фильми Маҳеш ва унинг биринчи рафиқасининг севгиси ҳикоясидан илҳомланилган. Уларнинг муносабатига Маҳеш Парвин Бабига илакишиб қолганидан кейин нуқта қўйилган.

Алия гандбол билан профессионал шуғулланишдан ташқари 4 йил давомида рақс билан ҳам машғул бўлган.