Yulduzli juftlik — Jastin va Xeyli Biber Parijdagi Yelisey saroyiga tashrif buyurdi, ularni Fransiya prezidenti Emmanuel Makron va uning rafiqasi Brijit shaxsan kutib oldi, deb xabar bermoqda Hello nashri.
Prezident matbuot xizmati xonanda va uning rafiqasining Yelisey saroyiga tashrifi maqsadiga oydinlik kiritdi. Ma’lum bo‘lishicha, qo‘shiqchi shunchaki Emmanuel Makron administratsiyasidan ularni qabul qilishlarini so‘ragan va Fransiya prezidenti kutilmaganda yulduzli juftlikni asosiy qarorgohiga taklif qilgan.
Bundan tashqari, matbuot xizmati tomonidan tarqatilgan fotosuratlarga qaraganda, Makron Biberlar uchun Yelisey saroyiga ekskursiya uyushtirgan. Uchrashuvda Jastin va Xeyli Biber Emmanuel va Brijit Makron bilan yoshlar bilan bog‘liq masalalarni muhokama qilishdi, deyiladi rasmiy manbalarda.
Jastin va Xeyli Biber ko‘plab internet foydalanuvchilarining fikriga ko‘ra, yuqori darajadagi uchrashuvga mos bo‘lmagan kiyim kiygan. Jastin kostyum kiygan bo‘lsa-da, ko‘k krossovkada ko‘rinish bergan. Xeyli LaQuan Smit brendining bel qismi ochiq jigarrang trikotaj libosini kiyib olgan.
Izoh (0)