Интернетда iPhone 13, iPhone 13 mini, iPhone 13 Pro ва iPhone 13 Pro Мах смартфонларининг аниқ макетлари тасвирланган илк суратлар пайдо бўлди. Макетлар смартфонларнинг электрон қисмисиз аниқ нусхаси ҳисобланади. У смартфонлар ташқи кўринишини қурилма тақдим этилишидан анча олдин кўриш имконини беради ва ғилоф ишлаб чиқарувчилар томонидан фойдаланилади, деб хабар беради IXBT.
Маълум бўлишича, Apple бу сафар ҳам iPhone 12 линейкасидаги дизайндан фойдаланади. Бундан ташқари, iPhone 13 ва 13 мини камералари модули энди диагоналига жойлашади. Суратларни эълон қилган манбанинг ёзишича, янги линейкадаги барча моделлар ўзидан олдинги авлоддан бироз қалинроқ бўлади. Бу батареялар сиғимининг ортгани ва камералари яхшилангани билан боғлиқ.
TrendForce нашри мутахассисларнинг фикрича, барча тўртта модель тасвирни сенсор бурилиши ҳисобига барқарорлаштирувчи оптик тизимга эга бўлади. Шу билан бирга, тўрталла iPhone’га ҳам ўрнатиладиган кенг бурчакли модуль автофокусли яхшиланган объективга (6P) эга бўлади. Фақатгина иккита Pro-модель лазерли далномерга эга бўлади.
Макетлар ғилоф ишлаб чиқарувсҳилар қўлига тушгани боис ижтимоий тармоқларда унга мос тасвирлар пайдо бўлган.
Сўнгги маълумотларга кўра, янги линейкани оммавий ишлаб чиқариш август охири ёки сентябрь бошида, савдолар эса 14 сентябрдан бошланади.
Аввалроқ iPhone 13 линейкасидаги барча смартфонларнинг нархи ва хотира ҳажми маълум бўлганди.
Изоҳ (0)