Японияда янги тамагочи намойиш этилди. Эндиликда виртуал ҳайвон смарт-соат ичида яшайди ва уни сенсорли экран ёрдамида силаш мумкин

Япониянинг Bandai компанияси илк тамагочи тақдим этилганининг 25 йиллиги муносабати билан парваришлаш мумкин бўлган виртуал ҳайвонга эга ўйинчоқнинг янги версияси — Tamagotchi Smart’ни тақдим этди, деб хабар беради Esquire.

Ушбу ўйинчоқда шагомер, шунингдек, виртуал ҳайвонни силаб-сийпалаш мумкин бўлган қурилмалар ва сенсорли экран ўртасида маълумотлар алмашиш имкониятини берадиган функциялар мавжуд. Бундан ташқари, овозли бошқарув ҳам бор, бироқ тамагочининг янги версияси нутқни таний олмайди.

Ўйинчоқнинг ён томонидан TamaSma-карточкаси учун разём бор бўлиб, у ўйинчоққа янги виртуал ҳайвонлар қўшиш ва аксессуарлар улаш имконини беради.

Tamagotchi Smart коралл ва феруза, шунингдек, чекланган оқ рангларида сотувга чиқади. Қурилма нархи 6380 иена (58 доллар). Янги виртуал ҳайвонга эга TamaSma карточкаси нархи 1100 иена (10 доллар)ни ташкил этади. Tamagotchi Smart Японияда 2021 йил 23 ноябрдан сотувга чиқиши кутилмоқда.