Жиззах вилояти Шароф Рашидов туманида ортиқча юк ортилган «ЗИЛ» бетон тўсиққа урилиб ағдарилиб кетди. Бу ҳақда вилоят Ички ишлар бошқармаси ахборот хизмати хабар берди.
Кадр: Видеодан скрин
Маълум қилинишича, ҳолат халқаро аҳамиятга эга бўлган М–39 автомобиль йўлида содир бўлган. Йўл-транспорт ҳодисаси сабаблари ўрганилганида «ЗИЛ» белгиланган талаб меъёрларини бузиб, транспортга керагидан ортиқ юк ортгани маълум бўлган.
Бунинг оқибатида ҳайдовчи ҳаракат давомида бошқарувни йўқотган ва йўлни иккига ажратиб турувчи бетон тўсиққа урилиб, ағдарилиб кетган.
Бундан аввал Жиззахда юк ортиш талабларини бузган ҳайдовчилар норозилик билдириб, халқаро йўлни тўсиб қўйгани, Ургутдаги газ қуйиш шохобчасида «ЗИЛ» портлаб кетгани ҳамда Фарғонада йўл четида тўхтаб турган «ЗИЛ» тиркамасига бориб урилган Cobalt’даги бир киши ҳалок бўлгани ҳақида хабар берилганди.
