Актёрлар қанча маҳоратли бўлмасин, тўсатдан юз берган ҳодиса туфайли ҳаёти хавф остида қолиши табиий. Агар вақтида ёрдам берилмаса, шу кунгача омон қолмаслиги ҳам мумкин эди.
Леонардо Ди Каприо
Актёр Жанубий Африкада акулаларни озиқлантириш вақтида уларнинг ҳужуми туфайли вафот этишига бир бахя қолган. Лео махсус қафасда бўлишига қарамай, акула уни тишлаш учун бир неча бор ҳаракат қилган.
Шарлиз Терон
Актриса «Эон Флюкс» фильмининг суратга олиниш жараёнида мотоцикл устида хавфли ҳолатга дуч келган. У трюкни бажариш вақтида бўйнини синдириб олишига оз қолган. Сўнгра унинг саломатлиги тикланиши учун суратга олиш ишлари икки ойга қолдирилган.
Жонни Депп
Бир вақтлар актёр суратга тушиш майдончасида отдан йиқилиб тушган. Яхшиямки, отнинг туёқлари остида қолмаган ва дарҳол вазиятни қўлга олган. Шунингдек, актёрнинг кичик самолётдаги саёҳатида ҳам двигатель ишдан чиқиб қолган. Лекин бир неча сония ичида ҳаммаси изига тушган.
Жейн Сеймур
Актриса оддийгина грипп билан касалланган вақтида пенициллинга аллергияси туфайли ҳаёт билан хайрлашишига саноқли дақиқалар қолган. Шундан сўнг Жейн саломатлигига алоҳида эътибор қаратади.
Энн Хетеуэй
Татилни Гавайида ўтказишни режа қилган актриса кучли оқим гирдобига тушиб қолган. Албатта, бу унинг ҳаёти учун жуда хавфли бўлган. Аммо қутқарувчилар уни кўриб қолган ва дарров ёрдамга шошган.
Жейсон Стейтхем
Суратга тушиш майдончасида актёр бошқараётган юк машинасининг тормози ишдан чиққан ва денгизга қулаган. Актёр эса машина ҳаракатланаётган вақтдаёқ ундан сакраб тушишга улгурган.
Райан Рейнолдс
Актёр 17 ёшидаёқ парашютни яхши кўрар эди. У парашютдан сакраш бўйича шуғулланаётганда у очилмай қолган. Ўша вақтда Райан жуда ёқимсиз ҳодисани бошдан кечирган, чунки захира ҳам бир уринишда ишлатилмаган.
Шерон Стоун
Актриса икки маротаба ўлим чангалидан қайтиб келган. 1990 йилда Шерон автоҳалокатга учраган ва 4 ой мобайнида тўшакка михланган. 2002 йилда эса актрисанинг артерияси ёрилиши натижасида ҳаёти хавф остида қолган, лекин шифокорлар уни асраб қолишга муваффақ бўлган.
Жорж Клуни
«Сириана» фильмининг суратга олиш вақтида Клуни баландликдан йиқилиб туган ва бош ҳамда бел қисмидан қаттиқ жароҳат олган. Актёр ҳанузгача жароҳатнинг асоратидан азоб чекади. 2018 йилда ҳам у автоҳалокатга учраган, аммо енгил жароҳатлар туфайли тезда оёққа туриб кетган.
Хоакин Феникс
Бир неча йил аввал Joker фильми қаҳрамони ҳаётида ҳам қалтис вазият юз берган. Унинг машинаси бошқаси билан тўқнашиб кетган ва актёр бир қанча оғир жароҳатлар олган. Аммо актёр тез орада барча қийинчиликларни енгиб ўтган.
Силвестр Сталлоне
Актёр ҳам «Рокки 4» фильми саҳналарининг бирида ҳаёт билан хайрлашишига бир бахя қолган. Кадрларнинг бирида юрагидан зарба олган актёр уйига бориб, ўзини ёмон ҳис қила бошлаган. Сўнгра жонлантириш бўлимида 8 кун ётган. Фильм эса унинг тузалишига қадар тўхтатилган.
Изоҳ (0)