Асл исмидан фойдаланмайдиган машҳурлар (фото)

Европа ва Америкада болаларга кўпинча бир нечта исм ва фамилиялар берилади. Қуйидаги машҳурлар турли сабабларга кўра асл исмларидан фойдаланишмайди.

Риз Уизерспун

Аслида актрисанинг исми Лаура Жин Риз Уизерспун. 14 ёшидан бошлаб у Риз исмидан фойдаланган, бу исм аслида онаси Беттининг қизлик фамилияси.

Пол Маккартни

Машҳур хонанда ва собиқ «Битлз» гуруҳи гитарачисининг асл исми — Жеймс Пол. Жеймс отасининг исми бўлган, кейинчалик Маккартни бу исмни ўғлига берган.

Аарон Пол

Breaking Bad фильмида Жесси Пинкман ролини ижро этган актёрнинг тўлиқ исми Аарон Пол Стертевант. У фамилиясидан Стертевант сўзини олиб ташлаб, исм сифатида фойдаланган.

Эштон Кутчер

Актёр туғилганидаёқ Кристофер Эштон деб номланган, аммо 19 ёшида моделлик фаолиятини бошлаганида, биринчи исмидан воз кечган.

Брюс Уиллис

Актёр Ғарбий Германияда туғилган, унинг исми Уолтер Брюс Уиллис бўлган. Дўстлари уни Бруно деб чақиришади. Кинодаги карьерасини бошлаганидан сўнг, Брюс биринчи исмидан фойдаланмаган.

Дрейк

Рэпернинг асл исми Обри Дрейк Грэм, аммо ҳамма уни фақат Дрейк сифатида танийди.

Дакота Феннинг

Оилавий афсонага кўра, унга Дакота исмини отаси берган. Онаси танлаган Ханна исмини ҳозир ҳеч ким эсламайди.

Жейсон Момоа

Актёрнинг тўлиқ исми Жозеф Жейсон Намакеаҳа Момоа. Унинг отаси гавайилик, онаси америкалик бўлган. Актёр ота-онасининг ҳурмати учун исм ва фамилиясининг қисқартирилган версиясини танлаган.

Меган Маркл

Шаҳзода Гарри рафиқасининг тўлиқ исми — Рейчел Меган Маркл, аммо кинодаги карьераси бошланганидан бери биринчи исмдан фойдаланмайди.

Жуд Лоу

Машҳур британиялик актёрнинг исми Дэвид Жюд Хейворт Лоу.

Брэд Питт

Актёрнинг асл исми Уильям Брэдли Питт. Бу исм унга отаси Уильям Алвин Питтдан мерос бўлиб ўтган.

Шон Коннери

Жеймс Бонд роли ижрочиларидан бири Жеймс Шон Коннери деб аталган. У бу исмни бобосининг шарафига олган, аммо мактабни тугатгандан кейин ундан фойдаланмаган.