Мультфильм, тухум, капалак ва микроблар. Голливуд юлдузлари нималардан қўрқади?

Голливуд юлдузларининг нималардан қўрқишини ўқиб, баъзиларидан ҳайратлансангиз, айримларидан эса кулгидан ўзингизни тўхтатолмайсиз.

Мизофобия

Актриса Кемерон Диаз фақат эшик тутқичларида яшайдиган микроблардан қўрқади. Агар қўлқопларини уйда унутган бўлса, зинҳор эшикка тегмайди. Шу сабабли юлдуз ҳар доим эшик оғаси ролини ўйнайдиган махсус ўқитилган одам билан бирга юради. Бироқ унинг асосий иши — актрисани ҳимоя қилиш, албатта. Актриса уйида кунига неча марта қўлларини ювишини тасаввур қилиш қийин!

Микробларни юқтиришдан қўрқиш мизофобия деб аталади. Ушбу қўрқув туфайли Майкл Жексон ҳеч қачон микробларга қарши ниқобидан ажралмаган.

Бироқ бу борада ҳеч ким Мадоннадан ўтолмайди! Поп-қиролича меҳмонхонага келгунига қадар барча сантехник воситаларини алмаштиришни талаб қилади.

Атаксофобия

Баъзи одамлар тартибсизликдан даҳшатга тушади. Илмий тилда бу атаксофобия деб аталади. Ёпилмаган тиш пастаси ёки тюбик одатдагидан бир неча сантиметр узоқликда бўлиши ҳам уларнинг асабийлашишига сабаб бўлади.

Бу жуда кулгили туюлса-да, лекин бу борада Виктория Бекхемга жуда қийин. Унинг эри Дэвид Бекхем агар музлаткичдаги шишалар сони тоқ бўлса, ҳатто жуда қиммат бўлса ҳам, ҳар қандай ичимликни ташлаб юборади, Дэвиднинг барча кийимлари қатъий ҳолда рангига қараб илиниши керак.

Жессика Альба ҳам Бекхемдан қолишмайди. Актрисанинг романтик турмуш ўртоғига ачиниш керак. Бир марта у рафиқасининг меҳмонхонадаги хонасини шарлар билан тўлдириб, уни ҳайратда қолдирмоқчи бўлади. Бунга жавобан Жессика унга бор ғазабини сочади.

Калликдан қўрқиш

Ёшлик ва жозибадорликни сақлаб қолиш истаги деярли барча машҳурларга хосдир. Маълум бўлишича, Том Круз сочлари тўкилиб кетишидан қўрқади. Актёрнинг ажойиб сочлари нафақат унинг ғурури, балки тирикчилиги ҳамдир.

Клаустрофобия

Эҳтимол, ушбу турдаги қўрқувнинг илмий номи ҳамма учун танишдир. Ума Турман тор жойдан қўрқади. Тақдир ҳазилини қарангки, «Биллни ўлдириш-2» фильмини суратга олиш майдончасида актриса ёпиқ тобутда ётишига тўғри келган.

Баландликдан қўрқиш

Агар Кристина Орбакайте учун баландликдан қўрқув сабабли юқори қаватдаги квартираларни рад этган бўлса, унда Тоби Магуайрга жуда қийин бўлган. Голливуд актёри «Ўргимчак одам»«да бир амаллаб рол ўйнаган ва баландликда ҳар бир трюкни ижро этишда, шубҳасиз, ўзини, ролини ва умуман олганда, актёр бўлиш истагини лаънатлаган.

Қоронғиликдан қўрқиш

Болаларга хос ушбу қўрқув баъзан муваффақиятли машҳурларга ҳам бегона эмас. Зулмат ва номаълум нарса Женнифер Лопез, Анна Семенович ва Филипп Киркоров учун даҳшатнинг ўзгинаси.

Аэрофобия

Колин Фаррелл, Бен Аффлек, Чарлиз Терон, Вупи Голдберг ва Женифер Энистон дунёнинг нариги чеккасига ҳам кемада боришга тайёр, фақат самолётда эмас. Қизиғи, яқинда Энистон Emirates авиакомпанияси билан реклама бўйича шартнома имзолади.

Зоофобия

Ҳашаротлардан қўрқиш энг ғайриоддий фобия эмас. Сичқон, ўргимчак, сувараклар... Ҳайвонот дунёсининг бундай вакилларидан жуда кам одам қўрқмайди. Аммо Никол Кидман... оддий капалакларни кўриб даҳшатга тушади! Ушбу ҳимоясиз ва жуда нозик жонзотлар актрисанинг қўрқувга тушишига сабаб бўлади.

Ғайриоддий қўрқувлар

Робби Уильямс болалигида мультфильмлардан жуда қўрққан ва улар экранда пайдо бўлиши билан доим диван остига яширинган. Бироқ йиллар давомида бу қўрқув ўтиб, ҳозирда мусиқачи ҳатто болалигидаги даҳшатли тушларини ҳам кулги билан эслайди.

Алфред Хичкок тухумдан қўрқарди! Тухумнинг овал шаклидан ва шу каби шаклдаги бошқа нарсалардан ҳам даҳшатга тушган. Актёр ҳомиладор хотинига ҳам узоқ вақт қараб туролмаган. Балки, шунинг учун ҳам ундан фақат битта қиз фарзанд қолгандир.

Меган Фокс қоғоз қўлини кесиб кетишидан қўрқади, шунинг учун у сценарийларни қўлқоп кийиб ўқийди.