Ижтимоий тармоқларда «Самарқанд шаҳридаги ‘Рустам’ маҳалласидаги Муродқул исмли зўравон бировнинг уйига босқинчилик қилаётганлиги айтилмоқда» сарлавҳаси остида видеолавҳа тарқалди. Ҳолат бўйича Самарқанд вилояти ИИБ матбуот хизмати маълумот берди.
Қайд этилишича, Фуқаро Ф.М. турмуш ўртоғи билан 2020 йилда қонуний ажрашган бўлиб, суднинг мажбурий тартибда киритиш тўғрисидаги қарорига асосан, МИБ томонидан турмуш ўртоғининг уйига мажбурий тартибда киритиб қўйилган.
2021 йилнинг 16 июнь куни Ф.М. ва унинг қайнонаси Н.М. ўртасида келиб чиққан жанжал оқибатида қайнона ва келин бир-бирларига тан жароҳатлари етказган.
Жанжалдан хабар топган Ф.М. (келин)нинг қариндошлари Н.М. (қайнона)нинг яшаш уйига келиб, дарвоза ёпиқ бўлганлиги сабабли дарвозани уриб, ичкарига киришга уринган.
Ҳолат юзасидан Самарқанд тумани ИИБ томонидан терговга қадар текширув ҳаракатлари олиб борилмоқда.
Бундан аввал андижонлик аёл эри билан жанжаллашиб қолиб, уни пичоқлаб ўлдиргани, Косонда тўполон кўтарган хотин-қизлар майда безорилик ва карантин қоидаларини бузишда айблангани ҳамда Жиззахда эр Telegram’даги ёзишмалари сабаб хотинини бўйнидан пичоқлаб ўлдиргани ҳақида хабар берилганди.
Изоҳ (0)