Бухоро шаҳрида яшовчи 57 ёшли уй бекаси 40 минг сўм эвазига уйида фоҳишахона ташкил этгани аниқланди, деб хабар беради вилоят ИИБ ахборот хизмати.
Маълум қилинишича, Бухоро шаҳар ИИО ФМБ маҳалла ҳуқуқ-тартибот маскани профилактика инспектори томонидан олинган маълумот асосида тезкор тадбир ўтказилган. Тадбир давомида шаҳарнинг Пиридастгир кўчасида яшовчи, 1964 йилда туғилган М.С. исмли уй бекаси ўзи истиқомат қилиб келаётган хонадонида эркак ва аёлнинг жинсий алоқада бўлиши учун шарт-шароит яратиб бергани аниқланган. Бунинг эвазига у «мижозларидан» 40 минг сўм пул олиб, уйида фоҳишахона ташкил қилган.
Мазкур ҳолат юзасидан Жиноят кодексининг 131-моддаси (қўшмачилик қилиш ёки фоҳишахона сақлаш) 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Тошкент вилоятида спа-салон ва сауна ниқобида фоҳишахона ташкил қилган шахсларга нисбатан чора кўрилгани, Жиззахда қизларга раққосалик ва фоҳишалик билан шуғулланиши учун шароит яратиб берган аёл ушлангани, Бухорода ижтимоий кўмакка муҳтож фуқароларга ажратилган уйда фоҳишахона ташкил қилган аёл аниқлангани тўғрисида хабар берилганди.
Изоҳ (0)