Смартфон ёки ноутбук бўладими, техника ҳароратнинг ҳаддан ташқари таъсирланишига, айниқса қизиб кетишига жуда сезгир. Смартфон билан бундай ҳолат содир бўлиши мумкинлигини қандай билиш мумкин?
Фото: Getty Images
Мутахассислар қурилмангиз ёмон ҳолатда эканлигини англатадиган бир нечта оддий белгиларни таъкидлаб ўтади. Ўз вақтида уларга эътибор бериш жуда муҳим:
- корпусдан чиқадиган доимий шовқин — бу совутиш тизимининг шикастланган ёки кирланганини билдиради;
- FSP’нинг пасайиши (видеоконтент ва ўйинлардаги кадрлар частотаси), қотиш ва буйруқларга узоқ вақт жавоб бермаслик (видео деярли доимий юклаш режимида, экран сизнинг ҳаракатларингизга жавоб бермайди ва ҳк.);
- тўсатдан ўчиб қолиш. Бу ҳаддан ташқари иссиқликнинг сўнгги босқичида юз беради. Куйишдан ҳимоя қилиш механизми ноутбук иссиқда унинг ишлаш чегарасига етганида ишга туширилади. Бу смартфонларга ҳам тегишли;
- батарея яхши қувват олмайди (секин ёки чала), тезда қуввати тугайди. Охир-оқибат у қувватлана олмайди;
- қурилманинг сезиладиган даражада қизиши, корпуснинг тез исиб кетиши. Бармоқлар билан илгари бундай бўлмаганини сезишингиз мумкин.
Нима қилиш керак?
Агар юқорида санаб ўтилган муаммолардан бирига дуч келсангиз, зудлик билан қувватлантиргичдан узиб, қурилмани ўчириб қўйинг, бироз совигач, ишончли сертификатланган хизмат кўрсатиш марказига олиб боринг.
Фото: Getty Images
Бундан ташқари гаджетингиз билан боғлиқ бундай муаммоларнинг олдини олишга ёрдам берадиган бир қатор оддий чоралар ҳам мавжуд:
- Ноутбук/смартфонни машинада қолдирманг.
- Ҳозирда ноутбуклар учун кўплаб совутиш тагликлари мавжуд. Улардан фойдаланинг.
- Смартфонингизни модем сифатида ишлатасизми? Ҳароратини кузатиб боринг. Ушбу режим қўшимча ҳарорат юкини беради.
- Ноутбукни «уйқу ҳолатига» қўймасдан, бутунлай ўчириб қўйинг. Бу, айниқса, SSD-дискларга эга қурилмалар учун жуда муҳимдир.
- Агар ноутбукингизни пляжга олиб борган бўлсангиз, унга қуёш нурлари ва қум тушмаслигига ишонч ҳосил қилинг. Худди шу нарса смартфонларга ҳам тегишли (улар ноутбукларга қараганда анча тез қизийди)
- Носозликлар бўлса, ваколатли хизмат кўрсатиш марказидан фойдаланинг ва компонентларни фақат оригинал қисмларига алмаштиринг.
- Энг муҳими: оригинал қувватлантиргичлардан фойдаланинг. Тўғри, улар қимматроқ, аммо сизни асаббузарликлардан асрайди.
