Сувараклар йилда икки марта: қиш ва ёзда кўпаяди. Уйингизда ушбу ҳашаротлар кўпаймаслиги учун эса айрим маҳсулотларни стол устида очиқ қолдирмаганингиз яхши.
Пишлоқ
Мутахассисларнинг маълум қилишича, суваракларни ушбу маҳсулотнинг барча тури қизиқтиради. Айнан шу сабаб ҳам ёз кунлари стол устида пишлоқли нон қолдириш тавсия қилинмайди.
Мева ва сабзавотлар
Жазирамада мева ва сабзавотларни музлаткичдан ташқарида сақламаган яхши. Биринчидан, айниб қолади, иккинчидан эса суваракларни ўзига жалб қилмай қолмайди.
Ичимликлар
Ичимликлар, айниқса, квас ва пивонинг ҳиди суваракларни ўзига чорлайди. Ушбу ҳашаротларни йўқотиш қийин экани сабаб пайдо бўлишига шароит яратмаслик, яхшиси музлаткичда сақлаш керак.
Ширинликлар
Ширинликлар нафақат сиз-у биз, балки суваракларнинг ҳам жон-у дили. Шу сабабдан ҳам уй, айниқса, ошхонани тез-тез тозалаб туриш, ушоқлар тўкилиб ётмаслигига эътибор қаратиш керак. Дўкондан суваракларни бартараф қиладиган дори воситаси қидириб юргандан кўра супургини доимгидан кўпроқ ишлатиш керак.
Гўшт
Сувараклар, шунингдек, ёғли, қовурилган ва дудланган гўшт ҳиди ҳам жалб қилади. Бу бир бўлак гўшт, товуқ ёки оддий колбаса бўлиши мумкин.
Бундан ташқари, ушбу ҳашаротлар металл ва пластиклардан ташқари, қоғоз, совун, косметик восита ҳам қизиқтириши мумкин. Баъзида улар уйдаги ўсимликлар билан ҳам озиқланади. Сувараклар нам жойда ва юз кунлари кўп қаватли уйларда кўпаяди. Уларни бартараф қилиш учун кириб келиши мумкин бўлган вентиляция йўлларини тўр билан тўсиш керак.
Изоҳ (0)