20-30 йил олдин шифокорлар мева пюреси билан қўшимча овқатларни жорий этишни маслаҳат бериб ўтган. Ўшандан бери кўп нарса ўзгарди: энди педиатрлар чақалоқларни янги маҳсулотлар билан таништиришнинг мутлақо бошқача усулини тавсия этмоқда.
Қўшимча овқатлар беришни айнан номадан ва қачон бошлаш керак?
Мева пюреси
Ҳатто 20 йил олдин ҳам мева пюреси билан қўшимча овқатларни бошлаш тавсия қилинган. Кейин ушбу ёндашув танқидларга сабаб бўлди. Ҳозирда эса мева пюресини боланинг 6 ойлигидан бошлаб бериш мумкин. Уларни биринчи қўшимча овқат сифатида бериш тавсия этилмайди, аммо агар бола сабзавот пюреси ва бўтқалардан қатъиян воз кечса, буни амалга ошириш мумкин. Олма, нок ёки қуритилган ўрик, сўнгра меваларни ёрма ва сабзавот пюреси билан аралаштириш ҳам яхши вариант ҳисобланади.
Сабзавот пюреси
Ҳозирги вақтда қовоқ, брокколи ва гулкарам пюреси биринчи қўшимча овқат учун энг яхши вариант ҳисобланади. Айниқса, бола атиги 4,5-5 ойлик ёки болада ич қотиши билан боғлиқ муаммолар мавжуд бўлса. Шуни таъкидлаш керакки, брокколи ва гулкарам пюреси қоринда газ ҳосил бўлишини рағбатлантиради, шунинг учун баъзида қовоқни биринчи сабзавот сифатида, кейин бўтқа ва бошқа сабзавотлардан ошқовоқ, картошка, сабзи, кейин эса 7-8 ойликда брокколи ва гулкарамга ўтиш яхшироқ деб тан олинган.
Ёрма
Глютенсиз ёрмалардан гуруч, гречка, маккажўхори, шакарсиз ва сутсиз бўтқалар биринчи озиқлантириш учун энг яхши танловдир, айниқса, бола аллақачон 5,5-6 ойлик ёки унинг ичи суюқланишга мойил бўлса. Баъзи ота-оналар, агар бола тезда вазн йиғса, бўтқа беришдан қўрқади. Уларни бўтқа туфайли семиради деб ўйлайди. Дарҳақиқат, сутсиз бўтқа таркибидаги калория миқдори она сути ёки аралашмадан 2 баравар кам. Шунинг учун сутсиз дон маҳсулотларини болада ортиқча вазн пайдо бўлишидан қўрқмасдан киритиш мумкин. Шунингдек, қўшимча равишда овқатлантиришдан кейин она сутини ҳам таклиф этиш мумкин.
Гўшт пюреси
Ҳозирги кунда гўшт пюреси биринчи қўшимча овқат сифатида тез-тез учрамоқда. Агар қўшимча озиқ-овқат 6 ойдан бошлаб киритилса ва айниқса, болада темир танқислиги пайдо бўлиши хавфи мавжуд бўлса. Бу ҳолда чақалоққа аввал қуён ёки курка гўшти пюреси таклиф этилади, сўнгра унга сабзавот ёки мевали пюре қўшилади ва шундан кейингина болани ёрмаларга ўргатиш мумкин.
Кефир ёки творог
Кўпчиликнинг тавсиясидан фарқли ўлароқ, ферментланган сут маҳсулотлари биринчи қўшимча овқат учун мутлақо мос эмас. Творог 7 ойдан, кефир ва йогурт ҳатто 8 ойдан кейин тавсия этилади. Шуни таъкидлаш керакки, кефир ва йогуртни кунига 200 мл дан кўп бўлмаган миқдорда бериш мумкин. Кефирнинг кўплиги ёки уни жуда эрта киритиш ичак шиллиқ қаватини безовта қилиши ва ҳатто ичак деворидаги микроскопик қон кетишини келтириб чиқариши, болада анемия ривожланиш хавфини ошириши мумкин.
Изоҳ (0)