Кийимлардаги доғни қандай қилиб бартараф қилишни билмаётганларга ушбу тавсиялар асқатиши аниқ.
Лимон шарбати зангни кетказади
Занг доғини кетказиш учун унинг устига туз сепиб, кейин лимон шарбати қуйиб, бироз қуёшда қолдиринг. Кейин кир ювадиган машина ичига солинг.
Туз ва сирка дезодорант изини кетказишда
Тузни сувга аралаштириб доғ устига суртинг, бироздан кейин ювиб ташланг. Ёки кийимни оқ сирка аралаштирилган муздек сувга бўктириб қўйинг. 1 соатдан кейин чўтка билан ишқаланг.
Қайнаган сув мевадан қолган изни бартараф қилади
Тоғорага доғ бўлган кийимни солинг. Четини резинка билан маҳкамлаб, устидан қайнаган сув қуйинг.
Қон доғини озгина маҳсулотлар билан кетказса бўлади
Қон тегган кийимни биринчи совуқ сувга бўктиринг. Ҳарорат қанча паст бўлса, шунча яхши. Яхшилаб ивиганидан кейин туз ва шампундан фойдаланинг. Кейин яхшилаб ювиб ташланг.
Оддий бўр ёғ доғини бартараф қилади
Доғ устига бўр суртинг. Устидан илиқ ёки қайноқ сув қуйиб, ювиб ташланг.
Гўшт селини кетказиш учун ювиш воситалари шарт эмас
Бундай кийимни совуқ сувда оқизиб туриш кифоя.
Кетчуп доғини сирка ёрдамида бартараф қилса бўлади
Доғни совуқ сувда ювиб ташлаб, кейин ювиш воситаси суртилган тоза латта билан артинг.
Сиёҳни кетказиш
Сиёҳ доғларини кетказишда таркибида спирт бўлган суюқлик яхши самара беради. Масалан, қўл учун санитайзерёки соч лакини матога сепиб, 1-3 дақиқага қолдиринг, кейин салфетка билан артиб ташланг. Охирида кир машина ичига солиб ювинг.
Ўсимликлардан қолган доғни идиш ювадиган восита яхши кетказади
Сув ва 3 фоизли водород пероксидини 1:1 нисбатда аралаштиринг ва кийимни аралашмага ивитиб қўйинг. Ёки идиш ювадиган восита билан артинг.
Хантал доғини иккита оддий восита билан бартараф қилса бўлади
Бунинг учун ярим стакан сувга 2 ош қошиқ идиш ювадиган восита ҳамда оқ сирка аралаштиринг. Аралашмани доғга суртиб, бироздан кейин иссиқ сувда ювиб ташланг.
Изоҳ (0)