Сурхондарё вилояти Қумқўрғон туманида Nexia иштирокида содир бўлган йўл-транспорт ҳодисаси оқибатида бир киши ҳалок бўлди, деб хабар беради ИИВ ЙҲХББ ахборот хизмати.
Маълум қилинишича, «Гултепа» маҳалласидан ўтган халқаро аҳамиятга эга М-41 автомобиль йўлининг 1525-километрида пиёда йўлнинг қатнов қисмининг белгиланмаган қисмидан кесиб ўтишга уринган. Бу вақтда катта тезликда келаётган Nexia пиёдани уриб юборган. Жабрланувчи олган тан жароҳатлари оқибатида шифохонада вафот этган.
«Пиёда йўлга чиқиб қолиб, иккиланди. Орқага қайтдида, югуриб ўтиб кетаман деб ўйлади», — дейди ҳайдовчи.
Воқеа жойида тормоз излари ўлчанганида, у 35 метрни ташкил этган. Ҳайдовчи қилган ишидан пушаймонлигини айтиб, ҳайдовчилардан тезликни оширмасликни сўраган.
Аввалроқ Янгийўлда йўлнинг қатнов қисмига ётиб олган пиёдани босиб кетиб, воқеа жойидан яширинган Nexia ҳайдовчиси қўлга олингани, Наманганда Damas уриб юбориши оқибатида 49 ёшли фуқаро вафот этгани, Тошкентда пиёда Lacetti уриб юбориши оқибатида ҳалок бўлгани тўғрисида хабар берилганди.
Изоҳ (0)