Uzbekistan Airways 15 июндан бошлаб Домодедово аэропортидан парвозларни қайта йўлга қўйиши ҳақида хабар берилганди. Компания матбуот хизмати хабар қилишича, Домодедово аэропортига илк парвоз муваффақиятли амалга оширилган.
Маълум қилинишича, Uzbekistan Airways Тошкент—Москва йўналиши бўйича Домодедово аэропортига 2021 йилдаги илк HY 603 рейсини амалга оширди.
Таъкидланишича, Uzbekistan Airways Москва шаҳридаги аэропорт ўзгартирганлиги муносабати билан, йўловчиларга аввал харид қилинган авиачипталарни жаримасиз қайтариш имкониятини тақдим этади.
Бундан аввал Сенат Uzbekistan Airways авиачипталари бошқа авиакомпанияларникига нисбатан 148 фоизгача қиммат эканини аниқлагани, SkyUp Ўзбекистонга мунтазам авиақатновларга Украинадан рухсат олгани ҳамда Самарқанд аэропорти биринчи марта Олмаотадан рейс қабул қилгани ҳақида хабар берилганди.
Изоҳ (0)