Ижтимоий тармоқда «Термизда ЙПХ ходими қоидани бузди» сарлавҳаси остидаги хабар тарқалди. ИИВ ЙҲХББ матбуот хизмати бу ҳақда расмий маълумот берди.
Хабарда келтирилган фотосуратда Термиз шаҳрида ЙҲХБга тегишли бўлган Mercedes-Benz русумли 75 204 ВСФ давлат рақам белгили махсус хизмат автомобили ҳайдовчиси йўл ҳаракати қоидаларига зид равишда йўл ётиқ чизиғини босиб ҳаракатлангани акс этган.
Ҳолат ўрганилиб, Mercedes-Benz русумли махсус хизмат автомобили бириктирилган ҳайдовчи ходимга нисбатан белгиланган тартибда баённома тузилган ва Маъмурий жавобгарлик тўғрисидаги кодекснинг 128-моддаси (ҳайдовчиларнинг транспорт воситаларини пиёдалар йўлкаларидан юргизиши, йўл белгилари ва йўл ҳаракатининг бошқа қоидалари талабларига риоя этмаслиги) 1-қисмини қўллаган ҳолда 15 июнь куни 122 500 сўм жаримага тортилган.
Эслатиб ўтамиз, 2020 йилнинг ноябрида ва 2021 йилнинг бошларида ҳам Термизда хизмат машинасида йўл қоидасини бузган ЙПХ ходими жаримага тортилганди.
Мавзуга доир:
- Тошкентда йўл қоидасини бузган ЙПХ ходими жаримага тортилди
- Жиззахда хизмат машинаси йўл қоидасини бузган ЙПХ ходимига чора кўрилди
- Фарғонада йўл қоидасини бузган ИИБ ходими жаримага тортилди
- Сурхондарёда «Тўхташ тақиқланади» белгиси остида қолдирилган ИИБга қарашли Lacetti ҳамда Captiva’га жарима белгиланди (видео)
Изоҳ (0)