Reddit’даги Oddly Satisfying форумида тез-тез қандайдир сабабга кўра кишини ғайритабиий равишда ўзига тортадиган оддий ҳолатларга оид постлар жойлаштириб борилади. Бўлимда умуман ҳамма нарсани, ажойиб тозаланган мандаринлардан тортиб, Австралиядаги кузнинг видеосигача топиш мумкин, деб ёзади Meduza.
Умуман олганда, Oddly Satisfying’нинг контенти бироз хотиржамликка эришиш ва ташвишларни унутишнинг яхши усули ҳисобланади. Навбатдаги видео ҳам кўплаб фойдаланувчиларнинг эътиборини ўзига тортган. Қум бархани тасвирланган видеоролик 62,5 минг мартадан ортиқ томоша қилинган, 600 дан ортиқ изоҳ қолдирилган. «Видеонинг 10 соатли версиясини бўлса ҳам, томоша қилгинг келади», — дейилади хабарда.
Изоҳ (0)