2014 йилда Telegram асосчиси Павел Дуров отасининг китобига ўз дастхатини қўйиб, танишига совға қилган эди. Энди эса ушбу китоб онлайн савдо майдончаси орқали сотувга қўйилди, деб хабар беради Hi-Tech.Mail.ru.
«Юла» платформасида «ВКонтакте» ва Telegram асосчиси Павел Дуровнинг дастхати 20 миллион рублга (275 минг доллар) сотилаётгани тўғрисида эълон пайдо бўлган.
Дастхат Павел Дуровнинг отаси Валерий Дуровнинг қаламига мансуб «Юлий Цезарь инсон ва ёзувчи» китобига туширилган.
Эълон муаллифи бўлган Владимир исмли шахснинг сўзларига кўра, китобни унга шахсан Павел Дуров совға қилган. У китобни сотишдан мақсади нима эканини ошкор этмаган, бироқ пулларни «болаларни замонавий хавф-хатарлардан огоҳ бўлишга» йўналтиришни ваъда қилмоқда.
Эслатиб ўтамиз, 2019 йилда Россия президенти Владимир Путиннинг дастхати туширилган оқ Volkswagen кабриолети кимошди савдосида 20 минг еврога сотилган эди.
Мавзуга доир: Францияда Юрий Гагариннинг дастхати аукционга қўйилди
Изоҳ (0)