Жанубий Калифорния аҳолиси товуслар ҳужуми остида қолди. Пандемия вақтида қушлар популяцияси ортиб кетган ва энди уларнинг юзлаб турлари Лос-Анжелес шимоли-шарқидаги шаҳарларда тентираб юрибди, деб хабар беради «Korrespondent.net».
Таъкидланишича, товуслар тўда-тўда бўлиб ҳаракатланмоқда, томларга қўнмоқда ёки тротуарлар бўйлаб сайр қилмоқда. Бундан ташқари, улар шовқин солиб, боғ ўсимликларини яксон қилмоқда, «черепица»ларни ўйиб ташлаяпти ва автотураргоҳдаги машиналарда ўз аксини кўриб, чўқиб ташламоқда.
«Тонг отиши билан мени уйғотмоқда. Улар худди азобга солинаётган чақалоқлар каби инграйди, чинқириқлари эса жуда катта микрофон орқали трансляция қилинаётгандек», — дейди Шарқий Пасаденада истиқомат қилувчи 68 ёшли Кейлин Таттл.
Лос-Анжелес округининг кузатув кенгаши қушларни озиқлантиришга 1000 доллар миқдорида жарима ёки олти ойгача қамоқ жазосини жорий этишни режалаштирмоқда.
Турар жой биноларидаги қишларни тутиб, табиат қўриқхоналарига кўчириш билан шуғулланувчи компаниянинг эгаси, ёввойи табиат бўйича эксперт Майкл Максининг сўзларига кўра, товуслар билан боғлиқ ҳолат жуда зиддиятли. Унинг сўзларига кўра, аҳолининг 70 фоизи уларни ёмон кўради ва улардан қутилиш ниятида, 30 фоизи эса патқанотлиларнинг қўшничилигига қарши эмас.
Эслатиб ўтамиз, 2018 йилда товуслар Канада шаҳарларини «вайрон қилаётгани» тўғрисида хабар берилганди. Суррей шаҳрида жойлашган Салливан-Хайц ҳудудида табиий душманларнинг йўқолиб кетгани ва озиқ-овқат маҳсулотларининг кўпайгани қушлар популяциясини ошириб юборган ва бу ерда товуслар каттагина муаммоларни келтириб чиқара бошлаган.
Изоҳ (0)