Қозоғистонда 2021 йилнинг бошидан буён аёллар ва болаларга нисбатан содир этилган жиноятларни фақат аёл терговчилар текширмоқда. Бу ҳақда мамлакат Ички ишлар вазирлигининг раҳбари Ерлан Тургумбаевга таяниб, «Интерфакс» хабар берди.
«Аёллар ва болаларга қарши жиноятларнинг ўзига хос жиҳатларини ҳисобга олган ҳолда, бу йилдан бошлаб бундай ҳолатлар фақат аёл терговчилар томонидан тергов қилинмоқда. Бу жабрланганлар билан алоқа ўрнатишга ва ишнинг барча ҳолатларини аниқлаштиришга ижобий таъсир кўрсатади», — деди Тургумбаев аҳоли олдида бўлиб ўтган ҳисобот йиғилишида.
Вазирнинг сўзларига кўра, вояга етмаганлар бўйича инспекторлар ва аёлларни зўравонликдан ҳимоя қилиш бўлимларининг ходимлари сони ҳам кўпайтирилди. Унинг таъкидлашича, бундай лавозимлар ҳар бир шаҳар ва туман ички ишлар бўлимларида мавжуд. Бунинг эса янада тезкор чоралар кўриш, аёллар ва болаларга ёрдам беришни таъминлаши кутилмоқда.
Аввалроқ БМТ Иқтисодий ва ижтимоий кенгашининг (ИИК) 20 апрелдаги мажлисида Туркманистон 2022—2024 йиллар учун гендер тенглиги ва аёлларнинг имкониятларини кенгайтириш масалалари («БМТ-Аёллар») бўйича БМТ тузилмасининг Ижроия кенгаши аъзолигига сайлангани ҳақида хабар берилган эди.
Мавзуга доир:
- «Мамлакат аҳолисининг ярмини ортиқ уйда олиб ўтиролмаймиз». Саудия Арабистонида ишлайдиган аёллар сони қай тарзда ва нима сабабдан ортиб бормоқда?
- Хитойда янги қонун сабабли ажралишлар сони кескин пасайди
- Колумбияда солиқ ислоҳотига қарши норозилик намойишларида 19 киши ҳалок бўлди, қарийб 850 киши жабрланди (видео)
Изоҳ (0)