Qozog‘istonda 2021-yilning boshidan buyon ayollar va bolalarga nisbatan sodir etilgan jinoyatlarni faqat ayol tergovchilar tekshirmoqda. Bu haqda mamlakat Ichki ishlar vazirligining rahbari Yerlan Turgumbayevga tayanib, “Interfaks” xabar berdi.
“Ayollar va bolalarga qarshi jinoyatlarning o‘ziga xos jihatlarini hisobga olgan holda, bu yildan boshlab bunday holatlar faqat ayol tergovchilar tomonidan tergov qilinmoqda. Bu jabrlanganlar bilan aloqa o‘rnatishga va ishning barcha holatlarini aniqlashtirishga ijobiy ta’sir ko‘rsatadi”, — dedi Turgumbayev aholi oldida bo‘lib o‘tgan hisobot yig‘ilishida.
Vazirning so‘zlariga ko‘ra, voyaga yetmaganlar bo‘yicha inspektorlar va ayollarni zo‘ravonlikdan himoya qilish bo‘limlarining xodimlari soni ham ko‘paytirildi. Uning ta’kidlashicha, bunday lavozimlar har bir shahar va tuman ichki ishlar bo‘limlarida mavjud. Buning esa yanada tezkor choralar ko‘rish, ayollar va bolalarga yordam berishni ta’minlashi kutilmoqda.
Avvalroq BMT Iqtisodiy va ijtimoiy kengashining (IIK) 20-apreldagi majlisida Turkmaniston 2022—2024-yillar uchun gender tengligi va ayollarning imkoniyatlarini kengaytirish masalalari (“BMT-Ayollar”) bo‘yicha BMT tuzilmasining Ijroiya kengashi a’zoligiga saylangani haqida xabar berilgan edi.
Mavzuga doir:
- “Mamlakat aholisining yarmini ortiq uyda olib o‘tirolmaymiz”. Saudiya Arabistonida ishlaydigan ayollar soni qay tarzda va nima sababdan ortib bormoqda?
- Xitoyda yangi qonun sababli ajralishlar soni keskin pasaydi
- Kolumbiyada soliq islohotiga qarshi norozilik namoyishlarida 19 kishi halok bo‘ldi, qariyb 850 kishi jabrlandi (video)
Izoh (0)