Печда пишириладиган картошкали бабка рецепти

Бу Беларусь ошхонасининг машҳур миллий таомидир. Картошка ва товуқ гўштидан тайёрланган мазкур мазали таом ҳар қандай инсоннинг иштаҳасини очиб юбориши аниқ.

Керакли маҳсулотлар:

• картошка – 5 дона;
• пиёз –  2 дона;
• товуқ филеси – 200 грамм;
• ўсимлик ёғи – 2 ош қошиқ;
• ун – 2 ош қошиқ;
• сметана – 2 ош қошиқ;
• сариёғ –  1 ош қошиқ;
• туз ва зираворлар.

1. Картошка ва пиёзнинг ярми қирғичдан ўтказилади ва суви сиқиб олинади.
2. Қолган пиёз майда тўғралади. Товуқ филеси эса майда бўлакларга бўлинади.
3. Товада ёғ қиздирилиб, пиёз ва товуқ қовурилади ва туз, зираворлар қўшилади.
4. Қовурилган товуқ гўшти пиёз ва картошкали аралашмага қўшилади. Ун, сметана ва туз билан аралаштирилади.
5. Махсус қолипга сариёғ сурилади ва ун сепилади. Устидан картошкали аралашма солинади ва юзаси текисланади.
6. 200 даража печда тахминан 40-45 дақиқа давомида пиширилади.