Фарғонада етиштирилган гилослар Сингапур бозорларига етказиб берилди, дея хабар берди «Дарё» мухбири.
Маълум қилинишича, Сингапурга экспорт қилинган Фарғона гилослари ярим килолик қутиларга қадоқланиб, супермаркетларда 8,8 доллардан сотилмоқда. Шунингдек, вилоят ҳокимлиги ёрдамида махсус чартер рейслар йўлга қўйилиб, Жанубий Кореяга ҳам катта миқдорда гилос экспорт қилинмоқда.
Таъкидланишича, вилоятнинг Қува тумани ҳамда Қувасой шаҳри гилос етиштиришда етакчилик қилмоқда.
Маълумот берилишича, 2020 йил давомида жами 30 миллион долларга тенг бўлган 1389 партиядаги 13 минг 360 тонна гилос Россия, Қирғизистон, Қозоғистон, Корея, Литва, БАА, Польша, Украина, Бельгия ва Хитой каби давлатларга экспорт қилинган.
Изоҳ (0)