Фарғона вилояти Марғилон шаҳрида овсинининг пуллари ва тилла тақинчоқларини ўғирлаган аёл қўлга олинди. Бу ҳақда «Дарё»га вилоят ИИБ ахборот хизмати маълум қилди.
Қайд этилишича, 2021 йилнинг 3 июнь куни Марғилон шаҳрининг Аҳмад Яссавий номидаги маҳаллада яшовчи М.А. исмли аёл ички ишлар бўлимига мурожаат қилиб, 2021 йилнинг 28 май куни номаълум шахс унинг хонадонига ғайриқонуний равишда кириб, ётоқхонадаги кийим жавонидан 150 доллар, 3 миллион 230 минг сўм пули ва қиймати 8 миллион сўм бўлган тилла тақинчоқларини ўғирлаб кетганини маълум қилган.Ўтказилган тезкор қидирув ҳаракатлари натижасида ушбу жиноятни жабрланувчи билан бир хонадонда яшовчи овсини О.А. содир этганлиги аниқланиб, далилий ашёлар билан ушланган.
Мазкур ҳолат юзасидан Марғилон шаҳар ИИБ ҳузуридаги тергов бўлими томонидан Жиноят кодексининг 169-моддаси 1-қисми (ўғрилик) «г» банди билан жиноят иши қўзғатилиб, тергов ҳаракатлари олиб борилмоқда.
Изоҳ (0)