Бухоро вилояти Жондон туманида маст эркак яшаш хонадонида вафот этди.
Маълум қилинишича, 2021 йилнинг 7 июнь куни соат 15:10 ларда Жондор туман ИИБ навбатчилик қисмига «Оқтепа» МФЙда яшовчи 45 ёшли Ш.Р. яшаш уйида вафот этганлиги ҳақидаги хабар келиб тушган.
Тезкор суриштирув ҳаракатлари давомида марҳум Ш.Р.нинг турмуш ўртоғи Л.Б. унинг маст ҳолатда уйда эканлигини кўриб, жанжаллашмаслик учун темир каравотга унинг оёқ, қўл ва бўйин қисмидан ип билан боғлаган.
Уйида қаровсиз ҳолда қолган Ш.Р. темир каравотдан туришга ҳаракатланган вақтида бўйин қисмининг сиқилиши оқибатида вафот этганлиги аниқланган.
Мазкур ҳолат юзасидан Жиноят кодексининг 102-моддаси (эҳтиётсизлик орқасида одам ўлдириш) билан жиноят иши қўзғатилган.
Бундан аввал Самарқандда йигит 50 ёшли танишини мих билан ўлдиргани, Фарғонада танишини 21 марта пичоқ уриб ўлдирган эркак 19 йилга озодликдан маҳрум этилгани ҳамда Сирдарёда эркак уй-жой талашиб холаси ва унинг фарзандини ўлдириб, ёқиб юборгани ҳақида хабар берилганди.
Изоҳ (0)