Bugun,

  • USD 11095.31
  • RUB 173.84
  • EUR 10772.44

Sirdaryo viloyati Boyovut tumanida erkak o‘zi bilan birga yashagan ikki nafar qarindoshini o‘ldirib, jasadlarni yoqib yubordi. Bu haqda Bosh prokuratura “Daryo”ga ma’lum qildi.

Qayd etilishicha, 1-iyun kuni soat 03:30 larda Boyovut tumani “Sarmich” MFY Fitrat ko‘chasi 23-uyda yashovchi 30 yoshli I.H. o‘zi bilan birga yashab kelgan 28 yoshli xolavachchasi N.Ch. bilan uy-joy nizosi bo‘yicha bo‘lgan o‘zaro kelishmovchilik sabab janjallashib qolib, uni bo‘g‘ib qasddan o‘ldirgan.

Shundan keyin fuqaro I.H. o‘zining jinoyatini yashirish maqsadida xonadon ichkarisida uxlab yotgan 60 yoshli xolasi O.T.ni ham qasddan bo‘g‘ib o‘ldirib, murdalarni xonadon molxonasiga olib kirib, ustilariga ko‘rpa-to‘shak va somon tashlab yoqib yuborgan.

Marhum N.Ch. va O.T.ning o‘limi holati yuzasidan sudga oid tibbiyot ekspertizasi tayinlangan.

Mazkur holat yuzasidan Boyovut tumani prokurori tomonidan fuqaro I.H.ga nisbatan Jinoyat kodeksining 97-moddasi 2-qismi “a” bandi (qasddan odam o‘ldirish) bilan jinoyat ishi qo‘zg‘atilib, gumonlanuvchi protsessual tartibida ushlangan.

Mazkur holat yuzasidan Boyovut tumani prokuraturasi tomonidan dastlabki tergov harakatlari olib borilmoqda.

Bundan avval Andijonda 9 yoshli qizni o‘ldirganlikda ayblanib, viloyat sudi tomonidan oqlangan ayol ishi yuzasidan prokuratura Oliy sudga protest kiritilgani, Toshkentda 5 yoshli o‘g‘lini urib o‘ldirgan sport murabbiyiga sud hukmi o‘qilgani hamda Andijonlik ayol eri bilan janjallashib qolib, uni pichoqlab o‘ldirgani haqida xabar berilgandi.

Izoh
Asosiy yangiliklar
Mahalliy
Aholining valyuta ayirboshlashga yoʻnaltirgan pul mablagʻlari hajmi 68 foizga oʻsdi — Markaziy bank
Mahalliy
Samarqandda 2 kishi ovqatdan zaharlanib vafot etdi
Mahalliy
Toshkentda avtobusning yurgan masofasiga qarab to‘lov qilish tizimi yo‘lga qo‘yiladi