Навоий вилоятининг Кармана туманида жойлашган оҳак ишлаб чиқариш цехида ёнғин юз берди.
ФВВ матбуот хизматининг маълум қилишича, ҳолат 7 июнь куни, тахминан, соат 15:52 да туманнинг «Боғишамол» МФЙ ҳудудидаги Zarafshon Golden Group МЧЖга қарашли оҳак ишлаб чиқариш цехида юз берган. Ёнғин технологик жараённинг бузилиши оқибатида келиб чиққан.
Ҳодиса оқибатида корхонанинг бир нафар ишчиси воқеа жойида ҳалок бўлган. Шунингдек, ёнғин жойида бўлган бир нафар ФВВ ходими куйиш тан жароҳати билан Республика шошилинч тиббий ёрдам илмий маркази Навоий вилояти филиалига ётқизилган.
Вилоят Фавқулодда вазиятлар бошқармаси зудлик билан ҳолат юз берган ҳудудга етиб борган ва қисқа муддат ичида ёнғин бартараф этилган.
Аввалроқ Андижондаги «Ўзбегим» савдо мажмуасида, Бухородаги меҳмонхона ертўласида, Оҳангаронда йўл бўйидаги майдонда ёнғин юз бергани ҳақида хабар берилган эди.
Изоҳ (0)