Туман ҳокимлари ҳар бир секторда камида биттадан мини-инкубатор, маҳсулотларни сақлаш учун музлаткичлар ташкил этади. Бу ҳақда Президент Шавкат Мирзиёев раислигида 8 июнь, сешанба куни ўтказилган йиғилишда давлат раҳбари сўз юритди, дея хабар бермоқда «Дарё» мухбири.
«Исаев, Бўтаев, Камалов, Сариев, Солиев, Турсунов, З.Мирзаев, Боболов билан бирга, икки ойда қуввати камида 20 минг тонналик парранда гўшти ишлаб чиқариш лойиҳаларини бошласин.
Умурзоқов, Ж.Ходжаев Абдураззоқов, Турдимов, Боболов билан бирга, бир ой муддатда Венгрия билан парранда наслчилиги ва озуқаси бўйича қўшма лойиҳаларни бошласин.
Яна бир масала – Сурхондарёда бошланган тажриба асосида аҳоли хонадонларида парранда (товуқ, курка, ўрдак, ғоз) етиштиришга туман сектор раҳбарлари шахсан масъул бўлади. Бунда туман ҳокимлари икки ой муддатда хусусий шериклик асосида ҳар бир секторда камида биттадан мини-инкубатор, маҳсулотларни сақлаш учун музлаткичлар ташкил этади.
Норқобилов бир ой муддатда Чорвачилик ва паррандачилик илмий-тадқиқот институти фаолиятини қайта ташкил этиб, шароитимизга мос, наслли хонаки парранда зотларини яратиш бўйича лойиҳани бошласин. Қўмита жамғармасидан институтга наслли паррандани олиб келиш, зарур жиҳозлар ва ускуналар билан таъминлаш учун 10 миллиард сўм ажратилади», — деди давлат раҳбари.
Изоҳ (0)