Бир гуруҳ туркиялик тадбиркорлар Жаҳон банки (ICSID) ҳузуридаги Инвестиция бўйича низоларни ҳал қилиш халқаро марказига Ўзбекистонга қарши даъво аризаси билан мурожаат қилди, дея хабар беради Spot.
Иш ҳужжатларида даъвогарлар Mehmet Zeki Obuz, Sevde Yilmaz, Xuri Obuz va Tasfiye Halinde Obuzlar Gida, Temizlik Maddeleri, Züccaciye ve Tekstil Sanayi Ticaret Limited Sirketi эканлиги кўрсатилган.
Низо мавзуси — озиқ-овқат ишлаб чиқарадиган компания. Марказ сайтида тафсилотлар йўқ. Ташкилот бош котиби ушбу баёнотни 4 июнь куни рўйхатдан ўтказган. Ҳозирда у кўриб чиқилмоқда.
2007 йилда «Халқ сўзи» (pdf) газетасида ёзилишича, Mehmet Zeki Obuz Ўзбекистонда божхона тўловлари, ҚҚС ва акциз солиғини тўлашдан бўйин товлаш, бюджет маблағларини ўзлаштириш ва талон-торож қилиш ҳамда бошқа жиноятларда айбланиб 16 йилга озодликдан маҳрум қилинган.
Нашр Mehmet Zeki Obuz’нинг Ўзбекистонга 1995 йилда келгани ҳақида хабар берган. Ўша йили у «Сундус» қўшма корхонаси асосчиларидан бири, 1998 йилда эса унинг бош директори бўлган.
Аввалроқ инвестициявий низоларни ҳал қилиш бўйича халқаро марказга Ўзбекистонга қарши саккиз маротаба мурожаат қилинган, шу жумладан, Newmont, Меtal-Теch, Turkuaz, «МTS», Spentex ва бошқалар ишлари мавжуд.
Изоҳ (0)