Тошкент шаҳар Олмазор туманида Lacetti автомашинаси пиёдани уриб юборди, дея хабар бермоқда Тошкент ИИББ ахборот хизмати.
Фото: Тошкент шаҳар ИИББҚайд этилишича, ҳодиса 1 июнь куни соат 22:40 да Олмазор тумани Абдулла Қодирий кўчасида содир бўлган. 1996 йилда Бухорода туғилган Ш.Қ. ишончнома асосида Lacetti автомобилини бошқариш давомида йўлни белгиланмаган жойдан кесиб ўтмоқчи бўлган пиёдани уриб юборган.
Оқибатда 1986 йилда Андижонда туғилган пиёда М.А. тан жароҳати билан шифохонага етказилди. У 2 июнь куни шифохонада вафот этди.
Мазкур ҳолат бўйича Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) бўйича жиноят иши қўзғатилди. Ҳозирда тергов ҳаракатлари олиб борилмоқда.
Бундан аввал Бухорода Nexia ва Lacetti тўқнашиши оқибатда йўловчилардан бири вафот этгани, Сурхондарёда тезликни меъёрдан оширган Spark ҳайдовчиси пиёдани уриб юборгани ҳамда Самарқандда Lacetti билан тўқнашган «Жигули» ҳайдовчиси вафот этгани ҳақида хабар берилганди.
Изоҳ (0)