Ўзбекистонда неча киши коронавирусга қарши вакциналарнинг барча босқичларида эмлангани маълум қилинди. Бу ҳақда Соғлиқни сақлаш вазирлиги матбуот хизмати раҳбари Фурқат Санаев маълумот берди.
«‘Спутник V’ ва AstraZeneca вакциналари икки босқичли эмланиш билан инсон организмида юқори даражада иммунитет ҳосил қилинишига ёрдам беради.
ZF-UZ-VAC2001 вакцинасида эса тўлиқ уч босқичда эмлангандан сўнг инсон организмида етарлича антитана ҳосил бўлишига эришиш мумкин.
Ўзбекистонда коронавирусга қарши эмлаш жараёнлари бошланганига икки ой бўлди. Вакциналарни мамлакатга келтириш ва эмлаш жараёнларининг бориши ҳақида вазирлик матбуот хизмати томонидан давомли хабарлар бериб борилмоқда.
Ушбу хабарларни таҳлил қилганимизда, икки ой мобайнида 2 миллион 69 минг 518 доза вакцина қўлланилган бўлса, шундан 348 минг 302 нафар киши тўлиқ босқичларда эмланиб бўлинди», – дейди Фурқат Санаев.
Маълум қилинишича, бунга қадар:
- AstraZeneca билан 321 минг 906 нафар киши,
- ZF-UZ-VAC2001 билан 494 нафар киши,
- «Спутник V» вакцинаси билан эса 25 минг 902 нафар киши барча босқичларда тўлиқ эмланган.
Бундан аввал мактабгача таълим вазири коронавирусга қарши эмлангани, Зафар Ҳошимов коронавирусга қарши эмланди ва бошқаларга ҳам буни тавсия қилгани ҳамда Ўзбекистонга яна 70 минг доза «Спутник V» вакцинаси олиб келингани ҳақида хабар берилганди.
Изоҳ (0)