Дунё ва Ўзбекистоннинг турли нуқталарида 7 июнь куни олинган суратларни тақдим этамиз.

Шотландия осмонида синхрон тарзда учаётган икки қизил калхат.

Фото: Legion Media

Футбол бўйича Жаҳон чемпионати саралаш босқичи доирасида Ўзбекистон ва Сингапур терма жамоалари тўқнашди. Суратда ўйиннинг 6-дақиқасида ҳисобни очиб, голни нишонлаётган Жалолиддин Машарипов.

Фото: Ўзбекистон футбол ассоциацияси

Глазгода бўлиб ўтадиган G7 саммити арафасида Extinction Rebellion экологик ҳаракати фаоллари иқлим ўзгариши муаммосига эътибор қаратишга чақирилган акциялар ўтказмоқда.

Фото: Getty Images

Мини футбол бўйича Давлат хавфсизлик хизмати Тошкент шаҳри бошқармаси бошлиғи кубоги шаҳар босқичи жамоалари ўртасида қуръа ташлаш маросими. Унда иштирок этаётган фахрий футболчи Зайниддин Тожиев А гуруҳига тушган жамоалардан бирининг номи ёзилган қоғозни оммага кўрсатмоқда.

Фото: «Дарё» / Мадина Нурман

Индонезиянинг Жакарта шаҳри бозоридаги банан сотувчиси. Жаҳонда озиқ-овқат маҳсулотлари сўнгги 10 йил ичида рекорд даражага кўтарилди.

Фото: EPA

Тошкент шаҳридаги Magic City боғида сайр қилиб юрган қизалоқ.

Фото: «Дарё» / Муҳаммадамин Тошкандий

Рига шаҳрида бўлиб ўтган Жаҳон чемпионати—2021 финалида канадалик хоккейчилар финляндиялик рақибларини қўшимча вақтда 3:2 ҳисобида мағлуб этди. Шу билан Канада терма жамоаси 27 марта хоккей бўйича жаҳон чемпионига айланди.

Фото: «ТАСС»

Тошкент шаҳрида иссиқда соябон тутиб кетаётган қизлар. Шу кунларда Ўзбекистон бўйлаб аномал иссиқ об-ҳаво кузатилмоқда.

Фото: «Дарё» / Мусулмонбек Иброҳимов

Лондон мэри метро орқали шаҳар ҳокимиятига кетяпти. Лондон метросининг Ватерлу ва Сити йўналишлари падемия бошланганидан бери биринчи марта қайта фаолиятини бошлади.

Фото: PA

Тошкент шаҳрида кун ботиши. Сурат қурилиши давом этаётган ва Ўзбекистондаги энг баланд бино бўлиши кутилаётган Nest One’нинг 30-қаватидан олинган.

Фото: «Дарё»

Ҳиндистон хавфсизлик хизмати ходими метро йўловчиларидан навбатдаги поездни кутишни сўраяпти. Деҳли метроси йўловчилар сиғимини 50 фоиздан оширмаслик чеклови билан қайта ишга туширилди.

Фото: AP Photo

Самарқандлик 9 ойлик Мубина исмли қизалоқ Регистон майдонида ўтирибди.

Фото: «Дарё» / Муҳайё Хамроева

Эфиопиянинг Тиграй минтақасидаги можаролар туфайли кўчиб келтирилган аҳоли вақтинчалик бошпанага айлантирилган Цеҳаедаги бошланғич мактабда озиқ-овқат учун навбатга турибди.

Фото: Reuters

Буюк Британиянинг Мидландс минтақасидаги авиатомошада чиқиш қилаётган Қироллик ҳаво кучлари аэробатик жамоаси.

Фото: Getty Images

Шифокорлар гуруҳи Ҳиндистон шимолида яшовчи деҳқонларни коронавирусга қарши эмлаяпти.

Фото: Getty Images

Туркиянинг Озалп туманидаги чорва молларининг ҳаводан кўриниши. Қурғоқчилик туфайли минтақада яшовчи қуш турлари бошқа кўлларга кўчиб кетган.

Фото: Getty Images

Шри-Ланкада ёғган кучли ёмғир туфайли юзага келган тошқинлар ва кўчкилар оқибатида камида 14 киши ҳалок бўлди.

Фото: EPA

Глобал исиш туфайли Туркиядаги Мармара денгизи қирғоқларини денгиз ўти шилимшиғи қопламоқда. Туркия президенти Ражаб Тоййиб Эрдўғон Мармара денгизини ушбу ифлосликдан тозалашга ваъда берди.

Фото: Getty Images

Покистоннинг Синд вилоятида поездлар тўқнашуви оқибатида 30 дан ортиқ киши ҳалок бўлди.

Фото: AP Photo

Майамида боксчи Флойд Мейвезер ва блогер Логан Пол ўртасида жанг бўлиб ўтди. Саккиз раундлик кўргазмали жанг тўлиқ давом этди. Унда устунлик Мейвезер томонидан бўлган бўлса-да, нокаут қайд этилмагани боис ғолиб номи аниқланмади.

Фото: Reuters

Хитойда умуммиллий университетларга кириш имтиҳонлари (гаокао) бошланди. Ушбу кундаги имтиҳонлар миллионлаб абитуриентларнинг тақдирини ҳал қилади.

Фото: «ТАСС»

Америкалик теннисчи Кори Гоф Ролан Гаррос мусобақасининг 4-даврасида тунислик Онс Жаберни мағлуб этди.

Фото: EPA

Москва шаҳрида қуёш ботиши фонида рақс тушаётган жуфтликлар.

Фото: EPA

Венециядаги каналда қайиғи билан сузиб юрган гондолер. Италиянинг Венето вилоятида коронавирус чекловлари юмшатилади. Одамлардан энди фақат тиббий ниқоб тақиш ва ижтимоий масофа сақлаш талаб қилинади.

Фото: Reuters

Бангкокдаги гимназияда одамлар AstraZeneca вакцинасини қабул қилиш учун навбат кутмоқда. Оммавий эмлаш давом этаётган бир вақтда Таиландда коронавирус билан касалланиш ва ўлим ҳолатлари сони ошиб бормоқда.

Фото: AP Photo

Жанубий Кореянинг Жежу шаҳридаги порт яқинида чўмилаётган сайёҳлар.

Фото: EPA

Озарбайжонда бўлиб ўтаётган Боку Гранд При мусобақасидан чиқиб кетган Red Bull жамоаси пойгачиси болидининг ғилдирагига тепмоқда.

Фото: Reuters

Индонезиядаги анжуманлар залида ўтказилаётган оммавий эмлаш пайтида болани ухлатаётган шифокор.

Фото: ФАЗ

Аввалги кунларнинг фотогалереялари: