Коронавирусга қарши курашиш штаби аъзоси Севара Убайдуллаева АОКАда ўтказилган брифингда нега вакциналарни икки ёки уч марта олиш# кераклиги ҳақида маълумот берди.
«Коронавирусга қарши вакциналардан ‘Спутник V’ ва AstraZeneca 2 босқичли эмланиш билан инсон организмида юқори даражада иммунитет ҳосил қилинишига ёрдам беради.
‘Спутник V’ вакцинасининг 2 босқич эмланиши учун биринчи ва иккинчи компонентлари мавжуд бўлиб, ҳар бир эмланган одам махсус биринчи ва иккинчи компонентни тўлиқ олиши билан организмида иммун ҳимоя ишлаб чиқиши мумкин.
ZF-UZ-VAC 2001 эса 3 босқичли эмланиш билан иммунитет ҳосил қилишга ёрдам беради. Тўлиқ учинчи босқичда эмлангандан сўнг инсон организмида иммунитет ҳосил бўлишига эришиш мумкин.
Вакциналар 2 ёки 3 босқичли бўлса-да, уларнинг барчасини сифати ва эмлашдан кейин ҳосил бўладиган иммунитет даражасига кўра самарадорлиги бир хил ва юқорида даражада иммун ҳимоя ишлаб чиқилишига ҳисса қўшади», — дейди Севара Убайдуллаева.
Бундан аввал Ўзбекистонда коронавирусга қарши қўлланилган вакциналар сони 2 миллион дозадан ошгани, ўзбек—хитой вакцинаси билан эмланганларга 3-дозани қўллаш бошлангани ҳамда Ўзбекистонда коронавирусга қарши вакцинанинг 2-дозасини олганлар сони қарийб 500 минг нафарга етгани ҳақида хабар берилганди.
Изоҳ (0)