O‘zbekistonda 31-may kuni jami 119 120 kishi COVID-19’ga qarshi emlandi, deb xabar berdi Sog‘liqni saqlash vazirligi matbuot xizmati. Shulardan 32 934 nafari birinchi bosqichda, 85 899 nafar fuqaro ikkinchi bosqichda hamda 287 nafar fuqaro esa uchinchi bosqichda emlangan.
Foto: SSV matbuot xizmati
Hozirgi kungacha O‘zbekistonda koronavirusga qarshi 2 069 518 doza vaksinadan foydalanildi, ularning 494 dozasi uchinchi va 714 239 dozasi ikkinchi bosqichda qo‘llanilgan. Shunga ko‘ra, mamlakatda jami emlanganlar soni 1 354 785 kishini tashkil etmoqda.
31-may kunidagi emlash ko‘rsatkichlari bo‘yicha yuqori o‘rinlarni
- Farg‘ona viloyati (14 461 doza),
- Namangan viloyati (14 107 doza),
- Toshkent viloyati (13 386 doza),
- Toshkent shahri (11 203 doza),
- Samarqand viloyati (10 709 doza),
- Qashqadaryo viloyati (10 687 doza) band qildi.
Koronavirusga qarshi emlangan jami aholi soni
- Farg‘ona viloyatida 268 706 doza,
- Namangan viloyatida 244 230 doza,
- Andijon viloyatida 235 031 dozani tashkil qilmoqda.
Avvalroq O‘zbekistonda chet elga ketadigan talabalar va OAV xodimlari 31-maydan koronavirusga qarshi emlanishi, o‘zbek—xitoy vaksinasi bilan emlanganlarga 3-dozani qo‘llash boshlangani to‘g‘risida xabar berilgandi.
Mavzuga doir: O‘zbekiston va Rossiya hukumatlari “Sputnik V”ni ishlab chiqarishni mahalliylashtirishga kelishib oldi
Eslatib o‘tamiz, emlash ixtiyoriy va bepul, vaksina olishdan bosh tortganlarga hech qanday chora ko‘rilmaydi. Mamlakatda iyun oyi oxirigacha 4 million kishini koronavirusga qarshi emlash rejalashtirilgan.
