Нголо Канте Жаҳон Чемпионати, Чемпионлар Лигаси ва АПЛда ғолиб бўлган 6-футболчига айланди

Ярим ҳимоячи Нголо Канте «Челси» билан биргаликда Чемпионлар Лигаси 2020/21 йилги мавсумида ғолиб бўлди.

Бунгача франциялик футболчи Жаҳон Чемпионати—2018 ва икки марта Англия Премьер Лигасида (2017 ва 2016 йилларда) ғалаба қозонганди. Шу тариқа Канте ушбу ютуққа эришган олтинчи футболчига айланди.

Нгологача бундай муваффақиятга қуйидаги футболчилар эришганди: Тьерри Анри, Фабен Бартез, Жулиано Беллетти, Херард Пике ва Педро.

Маълумот учун, Нголо Канте 2016 йилдан бери «аристократлар» сафида тўп суриб келади. Унинг жамоа билан амалдаги шартномаси 2023 йилгача мўлжалланган. У Премьер Лиганинг ортда қолган мавсумида 30 ўйин ўтказиб, 2 та голли узатмага муаллифлик қилди.