Президент танқид қилган Деҳқонобод ҳокимининг биринчи ўринбосари ўрнида янги ўринбосар иш бошлади

Қашқадарё вилоятининг Деҳқонобод тумани ҳокимига биринчи ўринбосар тайинланди, дея хабар берди «Дарё» мухбири.

Таъкидланишича, мазкур лавозимга 2018 йилдан бери туман молия бўлими бошлиғи вазифасини бажариб келган Улуғбек Усмонов муносиб кўрилган.

Улуғбек Усмонов 1982 йил Деқонобод туманида туғилган бўлиб, 2004 йил Қарши давлат университетини, 2015 йил Ўзбекистон Республикаси Банк-молия академиясини тамомлаган.

У меҳнат фаолияти давомида «Тошкент фуқаро иншоотлари ва сув таъминоти дистанцияси»да, Деҳқонобод туман мудофаа ишлари бўлимида, туман молия бўлимида, Деҳқонобод туман ҳокимлиги молия бўлими бюджет ижроси ҳисоби ва ҳисоботи сектори мудири-бош ҳисобчиси лавозимларида фаолият юритган.

Эслатиб ўтамиз, Улуғубек Усмоновдан олдин мазкур вазифани Абдумажид Эшатов бажарган бўлиб, у Президент танқидига учраб, вазифасидан олинган эди.