«Барселона» жамоаси Испания Ла Лигаси сўнгги тури доирасида 22 май, шанба куни «Эйбар»га қарши баҳс олиб боради. Ўйин Тошкент вақти билан 21:00 да бошланади.
Каталонлар устози Рональд Куман учрашувга жалб этилган футболчилар рўйхатини эълон қилди. Ундан 21 нафар футболчи ўрин олган.
Учрашувни Лионель Месси ўтказиб юборади. Аргентиналик футболчи мавсумнинг сўнгги ўйинида иштирок этмайди. Шу тариқа Месси қаторасига иккинчи мавсумда «Олтин бутса»га эга чиқолмайдиган бўлди. Бундан аввал Месси кетма-кет уч мавсум ушбу совринни қўлга киритганди.
Айни вақтда лигада 29 та гол урган Лео «Олтин бутса» учун курашда «Бавария» форварди Роберт Левандовскидан (39 та гол) ортда қолмоқда.
Шунингдек, учрашувни Марк Андре тер Штеген, Филиппе Коутиньо ва Ансу Фати жароҳат сабаб ўтказиб юборади. Клеман Лангле, Серхи Роберто, Педри Гонсалес каби футболчилар ҳам қайдномадан жой олмаган.
Қайдномадан жой олган футболчилар билан танишинг:
Дарвозабонлар: Нето, Арнау Тенас, Иняки Пеня;
Ҳимоячилар: Херард Пике, Роналд Араухо, Самюуэль Умтити, Хорди Альба, Хуниор Фирпо, Сержиньо Дест, Оскар Мингеса;
Ярим ҳимоячилар: Серхио Бускетс, Френки де Йонг, Миралем Пьянич, Рикард Пуч, Илайш Мориба, Матеус Фернандес, Конрад де ла Фуэнте;
Ҳужумчилар: Антуан Гризманн, Усмон Дембеле, Мартин Брэйтуэйт, Францишку Тринкау.
Эслатиб ўтамиз, «Барселона» Ла Лига чемпионлиги учун курашдан чиққан.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)