Кечаси истеъмол қилинган лимон вирусли касалликлардан ҳимоя қилади, иммунитетни мустаҳкамлаб, озишга ёрдам беради.
Тунда лимон истеъмол қилиш
Уйқудан аввал истеъмол қилинган лимон метаболизмни яхшилагани ҳисобига одам тез вазн ташлайди. Лимон шарбати организмдаги калорияни парчалайди. Бунинг учун лимоннинг бир бўлагини кечаси истеъмол қилиш ёки бир стакан сувга шарбатини қўшиб ичиш тавсия қилинади. Янада яхши самара бериши учун бундай ичимликка бироз асал қўшиш кифоя.
Ошқозонга зарар етказиши, кислотани ошириб юбориши мумкинлигини инобатга олган ҳолда лимон шарбатини ўзини ичмаган яхши. Лимонли сув иссиқ бўлиши керакми ёки совуқ, деган баҳсли саволга турли жавоблар мавжуд. Парҳезшунослар совуқ сув метаболизмни жадаллаштиришини таъкидласа, шифокорлар совуқ сув зарарли, ёғларни самарали эритгани сабаб илиқ сувдан фойдаланган яхши деган жавобни беради.
Мутахассис фикри
Фитнес-тренер ва нутрициолог Анастасия Симанованинг таъкидлашича, таркибида лимон ва аскорбин кислотаси ҳамда пектин борлиги ҳисобига лимон ёғларни эритиш хусусиятига эга. Бир стакан лимонли сув шу заҳоти организмдаги шишларни бартараф қилади, лимон қондаги қанд миқдорини камайтириб, очлик ҳиссини камайтиради. Ушбу ижобий таъсир натижасида овқат ҳазм бўлиши яхшиланади. Аммо гастритда азият чекадиган беморларга лимонни мунтазам равишда истеъмол қилиш тавсия қилинмайди. Тиш эмалига зарар етмаслиги учун лимонли сувни «трубочка»да ичган яхши. Қолаверса, ушбу мева аллергик хуружларга олиб келиши мумкинлигини ҳам ёдда тутиш керак. Лимонли чой, асал, ялпиз ва занжабил билан рационни хилма-хил қилса бўлади.
Озиш учун лимонли рецепт
Қуйидаги маҳсулотлар қўшилганда лимон янада яхши самара беради.
- Майдаланган саримсоқ ва лимонни термосга солиб устидан 1,5 литр сув солинган ичимликни уйқудан аввал ичган яхши.
- Майда тўғралган бодринг, занжабил ва лимон бўлагига 2-3 та барра ялпиз қўшинг. Устидан 10 стакан сув солиб уйқудан аввал ва кун давомида ичиб юринг.
- 1 чой қошиқ долчинга 1 стакан қайноқ сув солинг. Хона ҳароратига келгандан кейин 1 чой қошиқ асал ва лимон қўшинг. Уйқудан аввал ичсангиз бўлади.
Изоҳ (0)