Вазннинг нафақат кўпайиши, балки кескин камайиши ҳам саломатликда муаммо борлигидан дарак бериши мумкин. Унинг сабаби нима билан боғлиқлигини билиш учун шифокорга мурожаат қилиш керак.
Қалқонсимон без
Вазн камайиши гипертиреоз ёки қалқонсимон безнинг ҳаддан ортиқ фаоллигидан дарак бериши, бундай вақтда қалқонсимон бездан ҳаддан ортиқ кўп гормон ажралиши мумкин. Вазн камайишидан ташқари, қориннинг қаттиқ очиши, юрак уришининг тезлашиши ва уйқу билан боғлиқ муаммолар кузатилиши мумкин. Эндокринолог аниқ ташхис қўйиши учун қандай таҳлиллар кераклиги ҳақида маълум қилади.
Селиакия
Селиакия глютен ингичка ичакка зарар етказадиган аутоиммун касаллик ҳисобланади. Вазн камайиши, кўнгил айниши ҳамда диарея ушбу касалликка хос симптомлар саналади. Бундай муаммо кузатилаётган беморларга таркибида глютен бўлган маҳсулотларни истеъмол қилиш та’қиқланади.
Панкреатит
Ошқозон ости безининг яллиғланиши ҳам вазн ташлашга таъсир қилиши мумкин. Организм етарли миқдорда энзим ферменти ишлаб чиқарилмагани ҳисобига сурункали панкреатитдан азият чекадиган кишиларда кескин вазн камайиши кузатилиши мумкин. Ташхис аниқ бўлиши учун гастроэнтерологга мурожаат қилиш керак.
Депрессия
Вазн камайиши клиник депрессиянинг кенг тарқалган симптомларидан бири. Баъзида депрессиядаги одамга ўзининг озиб кетаётгани сезилмаслиги мумкин. Психиатр кўригидан ўтиш ва тўғри даволаниш муаммони бартараф қилиши мумкин.
Қандли диабет
Чанқаш, кўп пешоб ажралиши билан намоён бўладиган қандли диабетда ҳам вазн камайиши кузатилади. Организм глюкозани чиқариб юборгани ҳамда мушаклардаги энергия камайгани ҳисобига ҳам бемор озиб кетади. Эндокринолог шифокор индивидуал ташхисдан кейин сизга нима қилиш кераклиги ҳақида маълумот беради
Ревматоид артрит
Ревматоид артритда иммун тизими адашиб соғлом ҳужайраларга зарар етказади ва бунинг ҳисобига иштаҳа ва вазн камайиши кузатилади. Ревматолог шифокор текширувдан кейин қандай даволаниш кераклиги ҳақида маълумот беради.
Тўйиб овқатланмаслик
Ушбу муаммо аксарият ҳолларда ёши катта одамларда кузатилади. Ёш ўтиши билан ошқозон фаолияти сусаяди ва тўқлик ҳисси узоқ вақт сақланади. Бундай вақтда одам овқатланишни истамагани ҳисобига унинг организми фойдали моддалар билан тўйинмайди. Геронтолог ва парҳезшунос консультацияси мазкур муаммони бартараф қилиши мумкин бўлади.
Изоҳ (0)