Бир ой аввал коронавирус билан касалланган ва нафас етишмовчилиги сабаб жонлантириш бўлимида даволанган турк актёри Бурак Серген оддий палатага олинди.
Аввалроқ актёрнинг саломатлиги ёмонлашгани сабаб шифохонага ётқизилгани ҳақида хабар берилганди. Hurriyet газетаси жонлантириш бўлимидан чиққанига кўп бўлмаган актёрнинг қайлиғи Ниҳан Унсал билан бирга тушган суратини эълон қилган. Саломатлиги ҳақида гап кетганда актёр ҳаётда яна ўз ўрнини эгаллаш жуда ҳам ёқимли экани, Ниҳан уни бир дақиқа ҳам ёлғиз қолдирмаганини таъкидлаган. «Мен ҳамиша Ниҳаннинг ёнимда эканини ҳис қилдим», — деган у.
Ниҳан Унсал Буракнинг аҳволи айни вақтда яхшилиги, аммо организмда коронавирусдан кейинги муаммолар бор эканини, баъзида уни нафас билан боғлиқ муаммолар қийналишини маълум қилган.
Серген айни пайтда суратга олинаётган ва Туркияда ҳар ҳафта янги қисми эфирга узатилаётган «Садоқатсиз» сериалида Ҳалук Гучлу образини яратаётган эди. У касалхонага тушиб қолганидан кейин, сериалдаги образни ҳам касалхонага тушгандек тасвирланган. Ўзбек телеканалида эфирга кетаётган мазкур сериалнинг мухлислари янги қисмларда актёрни қайта кўриши мумкин бўлади. Сценарийга кўра юрак хуружи безовта қилган Ҳалук оила аъзолари билан видеомулоқот қилади. Сериал ижодкорлари ҳамкасбларини лойиҳадан чиқариб юбормасдан, шу йўсинда уни қўллаб-қувватлашга қарор қилган.
Изоҳ (0)