Мексикалик 26 ёшли дастурий таъминот муҳандиси ва аёллар ҳуқуқлари фаоли Андреа Меза «Коинот гўзали» танловда ғолибликни қўлга киритди.
2021 йил 16 май куни Американинг Флорида штатида «Коинот гўзали» танловининг тантанали маросими бўлиб ўтди. Ушбу танлов 2020 йил бошқа кўплаб мукофотлар сингари пандемия сабабли қолдирилган эди.
«Коинот гўзали» 69-маросими бу сафар барча эпидемиологик хавфсизлик стандартларига риоя қилинган ҳолда бўлиб ўтди. Танловда иштирок этган 74 нафар қиз орасидан ғолиблик Мексика вакили Андреа Мезага насиб этди.
26 яшар мексикалик Меза биринчи ўринни эгаллади. Ундан кейинги ўринлар бразилиялик Жулия Гама ҳамда перулик Яник Матцетага насиб этди. «Россия гўзали-2019» унвонига эришган 20 ёшли Алина Санко эса ярим финалга ҳам етиб бормади.
Шуниси эътиборга лойиқки, Андреа Меза нафақат «Мексика гўзали-2017», балки у аёллар ҳуқуқи бўйича ҳам масъул ва Муниципал аёллар институти билан ҳамкорликда иш олиб боради.
Маълумотларга кўра, айнан Мезанинг гўзаллик стандартлари ва уларни ўзгартириш ҳақидаги нутқи танловда ғолиб бўлишига сабаб бўлган. Танловда ҳакамлар ҳайъатининг аъзолари аёллардан ташкил топган бўлиб, улар 1997 йилда ғолиб бўлган америкалик Брук Ли ва 2006 йилги ғолиба Зулейка Риверадир.
«Коинот гўзали» танловида Андреанинг ютиб чиқиши Мексика учун биринчи ғолиблик ҳисобланади.
Танлов ғолибасига тожни ундан аввалги «Коинот гўзали» жанубий африкалик Зозибини Тунзи топширди. Зозибини коронавирус чекловлари муносабати билан ушбу унвонга бошқаларга қараганда узоқроқ муддат эгалик қилди.
Меза гўзаллик тожини кийганида ниқобдаги бошқа барча иштирокчилар уни табриклаш учун қучоқлашга шошилди. Шунингдек, коронавирус туфайли танловдан Ангола, Бангладеш, Миср, Экваториал Гвинея, Грузия, Германия, Гуам, Кения, Литва, Мўғулистон, Намибия, Янги Зеландия, Нигерия, Сент-Лусия, Швеция, Танзания, Туркия ва Виржиния ороллари иштирокчилари бутунлай чиқариб юборилди.
Ғолибнинг сўзларига қараганда, у ўз минтақасида туризмни оммалаштиришга ҳаракат қилмоқда.
Шунингдек, у спортни яхши кўради. Бундан ташқари, модель ва визажистлик билан ҳам шуғулланади ҳамда ўзининг Andrea Meza Activewear номли спорт брендига асос солган.
Мавзуга доир:
Изоҳ (0)