Bir oy avval koronavirus bilan kasallangan va nafas yetishmovchiligi sabab jonlantirish bo‘limida davolangan turk aktyori Burak Sergen oddiy palataga olindi.
Avvalroq aktyorning salomatligi yomonlashgani sabab shifoxonaga yotqizilgani haqida xabar berilgandi. Hurriyet gazetasi jonlantirish bo‘limidan chiqqaniga ko‘p bo‘lmagan aktyorning qaylig‘i Nihan Unsal bilan birga tushgan suratini e’lon qilgan. Salomatligi haqida gap ketganda aktyor hayotda yana o‘z o‘rnini egallash juda ham yoqimli ekani, Nihan uni bir daqiqa ham yolg‘iz qoldirmaganini ta’kidlagan. “Men hamisha Nihanning yonimda ekanini his qildim”, — degan u.
Nihan Unsal Burakning ahvoli ayni vaqtda yaxshiligi, ammo organizmda koronavirusdan keyingi muammolar bor ekanini, ba’zida uni nafas bilan bog‘liq muammolar qiynalishini ma’lum qilgan.
Sergen ayni paytda suratga olinayotgan va Turkiyada har hafta yangi qismi efirga uzatilayotgan “Sadoqatsiz” serialida Haluk Guchlu obrazini yaratayotgan edi. U kasalxonaga tushib qolganidan keyin, serialdagi obrazni ham kasalxonaga tushgandek tasvirlangan. O‘zbek telekanalida efirga ketayotgan mazkur serialning muxlislari yangi qismlarda aktyorni qayta ko‘rishi mumkin bo‘ladi. Ssenariyga ko‘ra yurak xuruji bezovta qilgan Haluk oila a’zolari bilan videomuloqot qiladi. Serial ijodkorlari hamkasblarini loyihadan chiqarib yubormasdan, shu yo‘sinda uni qo‘llab-quvvatlashga qaror qilgan.
Izoh (0)