Мексика президенти Андрес Мануэль Лопес Обрадор 1911 йилда содир этилган хитойлик муҳожирларнинг оммавий қирғини учун расман кечирим сўради. Бу ҳақда SupChina нашри хабар берди.
Давлат раҳбари ўз узрини Мексикадаги Хитой элчиси Чжуо Сиансияо иштирок этган маросимда билдирди.
«Мексика давлати ҳеч қачон ирқчилик, камситиш ва ксенофобияга тоқат қилмайди», — деди президент.
Обрадорнинг нутқида Мексика шимолидаги Торреон шаҳрида содир бўлган воқеани назарда тутилган. Шаҳарда 1911 йил 13—15 май кунлари 303 нафар хитойлик ирқий қатлиомда ўлдирилган. Таъкидланишича, Торреонда хитойлик муҳожирларнинг авлодлари омон қолган. Улар учун президентнинг узр сўраши зарур бўлган пушаймонлик ифодаси бўлди, деб ёзади SupChina.
Маҳаллий аҳолининг таъкидлашича, Обрадорнинг кечирим сўраши фуқароларга аждодлар хотирасини ҳурмат қилиш имкониятини берди. Уларнинг фикрига кўра, хитойликлар энди Мексикада бу каби зўравонлик такрорланмаслигига ишонч билдирса бўлади.
Аввалроқ El Pais нашри Обрадор президентлиги даврида Мексика иқтисодиётига хитойликлардан ташқари ҳар қандай хорижий инвестициялар киришини тақиқлаши ҳақида хабар берган. Хитой компаниялари Мексикада мунтазам равишда йирик давлат шартномаларини ютиб келади. Таъкидланишича, 2020 йилда Лотин Америкаси миқёсида Хитой томонидан киритилган сармоялар сонининг кўплиги бўйича Мексика биринчи ўринни эгаллаган.
Маълумот учун, 4 май куни Мексика президенти Испания томонидан Американи мустамлака қилиш бошланганида етказилган зарар ва камситишлар учун майа туб аҳолисидан кечирим сўраган эди.
Изоҳ (0)