«АвтоВАЗ» компанияси россиялик муҳандислар нолдан бошлаб яратган янги Lada UnjoY Pro мультимедиа тизимининг ўзига хосликлари тасвирланган видеоролик билан бўлишди. Мутахассисларнинг сўзларига кўра, мультимедиа юқори замонавий стандартларга жавоб беради, деб ёзади Motor.
Lada EnjoY Pro мультимедиа тизими икки йил давомида яратилган. Компаниянинг телематика ва мултимедиа бўлими бошлиғи Павел Дорожкиннинг сўзларига кўра, мутахассислар аппарат-дастурий платформани нолдан бошлаб ишлаб чиққан, шунингдек, максимал даражада тезкорлик ва функционалликни таъминловчи кучли дастурий таъминотдан фойдаланган. Муҳандислар Lada EnjoY Pro’ни автомобилга ўрнатилган «яхши даражадаги смартфон»га қиёслади.
«АвтоВАЗ» модель қаторларига ўрнатилиши мумкин бўлган мавжуд мультимедиа тизимларидан фарқли ўлароқ, Lada EnjoY Pro’га видеони блоклаш учун автомобиль тезлиги мониторинг, шунингдек, фавқулодда қўнғироқ вақтида шовқинни ютадиган ERA-GLONASS тизими интеграция қилинган. Мазкур мультимедиа тизими Android 9’нинг автомобиль версиясидаги 8 дюймли дисплейда ишлайди.
Янги мультимедиа тизимининг яна бир ўзига хослиги Франциянинг Arkamys компанияси томонидан яратилган овоз тизими ҳисобланади. «АвтоВАЗ» вакилларининг сўзларига кўра, Lada EnjoY Pro’нинг овоз тизими салон қопламаси ва динамиклар тавсифи ҳисобга олинган ҳолда алоҳида созланган. Айни вақтда Lada EnjoY Pro’дан Vesta, XRay ҳамда XRay Cross’нинг янги моделларида фойдаланиш мумкин.
Мазкур янги тизим ўрнатилган Vesta’нинг нархи 857 минг рублни (11,5 минг доллар) ташкил этади.
Изоҳ (0)